DE RUTA POLO CAMIÑO

O alumnado de terceiro de primaria aproveitando o PDI "Sentidiño no Camiño", fixeron unha saída que partiu do merendeiro de Saians ata o alto da bandeira, onde puideron ver uns Muíños naviculares que se conservan intactos. Dende aí baixaron ata os Muíños de Saians, onde merendaron e repuxeron forzas. A partir de aquí colleron un tramo do camiño de Santiago ata o Castro de Medoña, pasaron pola fonte dos Peregrinos ata chegar aos Muíños de Gontade, no bosque bautizado como "Bosque das Leiras do Ría" onde os compañeiros de sexto deixaron poemas de Xela Arias e regresaron camiñando ata o cole. 

Foi un día espectacular!!

Aquí vos deixamos unha fermosas imaxes dos lugares polos que pasaron.

E para rematar responderon ao seguinte cuestionario!

🚲 DISCAMINO

 Esta mañá tivemos o pracer de recibir no colexio a visita de Discamino, con Gerardo (precursor) e Pitillas (fundador) a cabeza, dando inicio a esta andadura, acompañados de 3 compoñentes máis do seu gran equipo, compartiron unha mañá moi agradábel co alumnado de 6º de primaria, na que puidemos coñecer as súas historias persoais, como naceu o proxecto, o seu traballo e o modo particular de vivir o Camiño coas persoas con discapacidades. Aprendizaxes imprescindibles tendo en conta o noso PDI deste curso, “Sentidiño no Camiño”. Ademais disto, tamén responderon a unha pequena entrevista que lles fixeron os reporteiros da radio escolar 📻 a través dun programa especial de “Ondas do Ría” que proximamente verá a luz e poderedes gozar.

Aos nosos lectores, recomendámosvos que sigades a súa páxina de facebook (DisCamino) onde mostran a fermosa labor que desempeñan (http://discamino.org/) e animámosvos a ver “El desorden de los sentidos” coprotagonizado por Gerardo.

Antes de finalizar, cabe destacar, que Javier Pitillas, o fundador de Discamino, actualmente opta ao Premio Princesa de Asturias da Concordia pola súa gran labor e traxectoria. Parabéns!

Moitas grazas pola visita!

Quedamos tod@s marabillados con vós!

SENTIDIÑO NO CAMIÑO

Benvidos a BiblioRía!!!

 

A semana pasada demos a coñecer o noso proxecto integral de centro, "Sentidiño no Camiño", aquí vos deixamos un resumo da inauguración da BiblioRía que celebramos o luns 26, para que poidades ver o ben que o pasamos.

Podedes ver aquí a introdución ao novo proxecto que fixemos coa colaboración de Luís do Freixo.

 

Gustaríanos facer un especial apunte de agradecemento a:

•  Luís do Freixo por compartir con nós a súa sabedoría e involucrarse gustosamente neste novo proxecto. (Podedes consultar aquí a súa páxina web http://www.caminador.es/)
  

• Praxíteles González Martínez, autor da fermosa maqueta da Catedral de Santiago, que actualmente se atopa na BiblioRía grazas a súa cesión temporal., achegándonos así Compostela ao colexio.
• Fernando, axudante da Parroquia de San Miguel que nos acompañou durante o día e nos explicou o funcionamento do botafumeiro.