martes, 20 de diciembre de 2011

Libros por Nadal... o mellor agasallo!!!

Coma todos os anos por estas datas, Gaspar nos propoñe agasallar o Nadal con libros.
Este curso 2011/2012, estes son os libros que propoñemos para cada un dos cursos.
 
 
Libros para 1º de Primaria
    Juana sin miedo”, ANA
    ALONSO.
    Ed. Anaya.
    ISBN.978-84-667-9507-4
    A bruxa enrabechada”, JOLES SENNELL.
    Ed. Baía Edicións/Carteira de valores.
    ISBN.84-96526-58-5
    ....................

    Libros para 2º de Primaria
      “La casita de verdurita”, ANA ALONSO.
      Ed. Anaya.
      ISBN.978-84-667-9508-1
      “A pedra e as formigas”, JACOBO FERNÁNDEZ
      Ed. Xerais.
      ISBN. 978-84-978-2483-5
      ....................

      Libros para 3º A de Primaria
        A filla do ladrón de bicicletas” , Teresa González Costa.
         Ed.Xerais.
        ISBN.978-84-9914-220-3
        Un número mágico”. ANA ALONSO
         Ed Anaya.
        ISBN.978-84-667-9504-3
        ....................
         
        Libros para 3º B de Primaria
          “Verbas de sal”, Antonio García Teijeiro.
           Ed.Xerais.
          ISBN.978-84-9914-108-4
          El acertijo de la vida”. ANA ALONSO
           Ed Anaya.
          ISBN.978-84-667-9501-2
          ....................
           
          Libros para 4º de Primaria
              Cuentos fantásticos para conocer el mundo”, CELIA RUÍZ IBÁÑEZ.
              Ed. Oxford.
              ISBN.978-84-673-5526-0
              Un veciño cheo de sorpresas”, VÍCTOR RAGA.
              Ed Xerais.
              ISBN.978-84-991-4088-9
              ....................

              Libros para 5º de Primaria
                Palabras de caramelo”, GONZALO MOURE.
                Ed. Anaya.
                ISBN.84-667-1571-1
                Corazón de pedra”, AGUSTÍN FERNÁNDEZ PAZ.
                 Ed. Oxford.
                ISBN.978-84-673-5800-1
                ....................

                Libros para 6º de Primaria
                  “Un misterio na mochila de Alba”
                  FINA CASALDERREY.
                  Ed. Oxford.
                  ISBN.978-84-673-6067-7
                  La tumba tenebrosa”, GEORGE F.WAS.
                  Ed. Oxford.
                  ISBN.978-84-673-5472-0
                  ....................
                   
                  4º de educación infantil
                    El pirata Pepe”, ANA MARÍA ROMERO YEBRA/MIKEL VALVERDE.
                    Ed. SM.
                    ISBN. 978-84-348-7876-1
                    ......................

                    5º de educación infantil
                      El pirata Pepe y los animales”, ANA MARÍA ROMERO YEBRA/MIKEL VALVERDE.

                      Ed. SM. 

                      ISBN. 978-84-675-1417-9

                      lunes, 12 de diciembre de 2011

                      Día dos Dereitos Humanos


                      63 anos despois da súa proclamación, segue sendo necesario lembrar esta data, 10 de decembro, na que a Asamblea Xeral das Nacións Unidas aprobou a Declaración dos Dereitos Humanos.

                      Necesario porque nin tan sequera nos países que asinaron esta declaración están garantidos estes dereitos en igualdade de condicións para toda a poboación. Non hai máis que botar unha ollada ao noso arredor, asomarse ás noticias.

                      Mais aínda así cabe pensar que un outro mundo é posible, que hai arrecendos espallados no ar que nos permiten prender unha candea pola esperanza, por estas xeracións, hoxe nen@s, adolescentes, que medran nas nosas aulas, ao abeiro das nosas Bibliotecas -das súas lecturas, da súa información, da súa formación- nen@s e adolescentes que se implican ilusionad@s e con empeño en proxectos coma "Coñecernos para querernos", nun intercambio persoal e de coñecementos con nen@s dos campamentos saharahuis, para quenes a apertura dunha biblioteca con (o Bubisher) ou sen (O Niño do Bubi) rodas, supón moito máis que un mundo de oportunidades. Para acceder á ilusión, aos soños, á formación, ao coñecemento doutras culturas, doutro idioma.

                      E con esa candea acesa, brincan faíscas que prenden en case un cento de Bibliotecas Escolares Galegas, que por todo o país escollen cada unha un fermoso álbum ilustrado para agasallar a ese recén estreado Niño do Bubi, porque, coma nas nosas propias Bibliotecas, toda inauguración é unha festa. A esa festa que é a lectura, nesas bibliotecas acubilladas na area, queremos enviar estes álbumes como aves portadoras de boa sorte, como bubishers* cheos de cor, imaxes, historias. Porque as nosas bibliotecas, @s nos@s lectores e lectoras, compartimos co Bubisher, cos lectores e lectoras das súas bibliotecas a crenza firme nos Dereitos Humanos, dende o seu 1º artigo: "Tod@s nascemos libres e iguais en dignidade e dereitos"

                      * O bubisher (Oenanthe leucopyga e Oenanthe leucura) é un paxariño tímido que vive na Península e tamén en África, aquí chamámoslle collalba negra e no Sáhara o seu nome significa paxaro da boa sorte, no dialecto hassaní é Bubchir بوبشير (o da boa nova) porque adoita aniñar e criar despois das choivas, o que quer dicer que medrará a herba, algo moi importante para quen ten gando.

                      Bubisher é tamén o nome dun autobús-biblioteca que circula entre os campamentos do Sáhara para levar lectura e información. Ou sexa, unha biblio... pero con rodas!!!


                      Se queredes unirvos á iniciativa de Álbumes para o Bubisher, só tedes que poñer os vosos datos xunto ao resto das Bibes Galegas.


                      Texto de Maribel Serantes (CEIP Os Casais)

                      BUBISHER

                      Que é isto do BUBISHER?...O BUBISHER é un paxaro que aniña e cría despois das choivas. Isto vai ter un significado especial para todas as xentes do SAHARA, nacerá e medrará a herba. Por iso BUBISHER significa PAXARO DA BOA SORTE.
                      O proxecto BUBISHER é un ambicioso proxecto. De momento está formado por dous bibliobuses que se moven polo deserto, dun campamento a outreo, cheos de libros, para que os nenos e nenas do SAHARA poidan ler, aprender e disfrutar coa lectura. Para que isto poida ser unha realidade, moitas personas; escritores, persoeiros, políticos,entidades de todo tipo,... e nen@s de moitos lugares colaboran, uns desde o mesmo deserto participando directamente e outros desde os seus lugares de orixen, aportando libros e dotacións económicas que fan viable este proxecto.
                      Baixo o lema "COÑECERNOS PARA QUERERNOS" un grupo de BIBLIOTECAS ESCOLARES DE FERROLTERRA, entre as que está a nosa, e coordinados polo escritor GONZALO MOURE, estamos unidos para colaborar coas escolas dos campamentos de refuxiados saharauis. Nos vindeiros días imos enviarlles desde o noso colexio diverso material escolar solicitado, un ÁLBUM ILUSTRADO (mándase un por cada colexio participante,... en Galicia xa somos moitos) . O álbum que enviaremos leva por título NUEVOS COLORES do escritor FRAN NUÑO e irá acompañado dunha presentación do noso colexio realizado fundamentalmente desde o CLUB DE LECTURA. No segundo trimestre colaborará máis alumnado do centro pois elaboraremos un traballo para enviarlles sobre as FESTAS TRADICIONAIS E POPULARES EN PONTEDEUME..., e algunha sorpresa máis...
                      GÜINO recoméndavos que lles botedes un vistazo aos seguintes vídeos para coñecer un pouco máis do BUBISHER e das xentes do SAHARA. Tamén podedes atopar máis información escribindo BUBISHER no GOOGLE.

                      jueves, 24 de noviembre de 2011

                      Recursos para o Día Internacional da Eliminación da Violencia contra a Muller (II)

                      GRAZAS á Biblioteca Escolar do CEIP. VÍCTOR SÁENZ podemos disfrutar de milleiros de recursos para traballar esta conmemoración; vos animamos a visitar a súa páxina web.
                      (Preme no debuxo ou na ligazón que aparece debaixo)



                      

                      miércoles, 23 de noviembre de 2011

                      Recursos para o Día Internacional da Eliminación da Violencia contra a Muller (I)

                      O vindeiro venres, 25 de novembro, se conmemora o Día Internacional da Eliminación da Violencia contra a Muller

                      Para traballar en relación a este tema, vos recomendamos estas lecturas.
                      "Mis abuelos", un conto que atopamos no libro titulado "Pepe y Felisa"
                      Filosofía para nenos. PEPE Y FELISA. Aprender a pensar.
                      Autora: María Palmero Cremades
                      Editorial: Rústica
                      ISBN: 978-84-922009-3-1

                      Sinopse: o libro preséntase como un conxunto de narracións curtas sobre situacións rutinarias que invitan ao aprendizaxe cognitivo, ao razonamento e á expresión en grupo, aplicando a metodoloxía de Lipman. Conta cunha Guía do Mestre con suxerencias de temas, plans de discusións  e actividades para cada un dos capítulos.
                       
                      O Capítulo que narramos é o número 2, titulado "Mis abuelos" e traballamos con preguntas relativas ás demostracións de afecto: bicos e apertas.
                      Algunhas preguntas en relación ao conto poden ser: Cando podemos dar bicos e apertas ás persoas?, Gústache dar bicos e apertas?, A cales persoas bicas e abrazas normalmente?, Podemos dar bicos e apertas aos animais?,... 

                      Outra das recomendacións "lectoras" pode ser o conto "Unha manchea de bicos" da Editorial Xerais.
                       UNHA MANCHEA DE BICOS
                      Autora: Antonia Ródenas
                      Ilustradora: Carme Solé Vendrell
                      Editorial: Xerais
                      ISBN: 978-84-8302-681-6
                      Sinopse: Kati, a protagonista desta historia, ten unha caixa chea de bicos que vai regalando a todos os compañeiros. Desta maneira fai que se sintan felices. Pero Diego chámalles parvos, empúxaos, colle o que quere sen mirar quen o ten... Aínda así, a ledicia dos demais compartindo bicos de todos os sabores fai que se sinta só e acabará pedindo perdón e dando tamén bicos de caramelo. Daquela a mestra xa non estará enfadada e contaralles unha desas historias longas, como ela fai cando están caladiños.

                      A sinopse do conto atopámola do libro "Medrando sans. De sentimento en sentimento... de emoción en emoción", publicado pola Xunta de Galicia.

                       Neste libro poderedes atopar orientacións e actividades prácticas para traballar na aula sobre o conto do que vos falamos. 


                      domingo, 20 de noviembre de 2011

                      TAL DÍA COMA HOXE...Día Universal do Neno


                      Hoxe, 20 de novembro de 2011, conmemoramos o DÍA UNIVERSAL DO NENO.
                      Este mesmo día, pero no ano 1959, a Asamblea Xeral das Nacións Unidas reuníuse coa intención de reafirmar os dereitos universais dos nen@s e para que se celebrase en cada país do mundo un día no que se reflectiría a fraternidade e a comprensión entre os nen@s do mundo enteiro. Así, dende entonces, se realizan actividades encamiñadas a desenvolver o benestar de todos os nenos e nenas no mundo.
                      A idea desta xuntanza partiu dunha institución chamada "Unión Internacional de Protección a la Infancia" que, en 1952, plantexou a necesidade dun día especial para festexar aos nen@s.
                      Un ano más tarde, en 1953, 40 países sumáronse a esta festa.
                      As Nacións Unidas sumáronse a esta idea e se decretou por unanimidade que se debía establecer unha data para poñer o acento nas necesidades dos nenos e nenas de todo o mundo.

                      Aquí vos deixamos estes vídeos que poderían ser do voso interese.


                      jueves, 17 de noviembre de 2011

                      Tal día como hoxe... naceu Mickey Mouse, de Walt Disney.

                      Grazas a páxina de SOL ("Servicio de Orientación y Lectura")


                      podemos estar informados das diferentes conmemoracións que se celebran día a día.
                      Así, podemos inaugurar no noso blogue unha nova sección titulada

                      TAL DÍA COMA HOXE...

                      Pois, tal día coma hoxe... 18 de novembro nace a personaxe tan querida de MICKEY MOUSE (poder premer no seu nome e acceder a wikipedia para saber máis...) e, como este ano, a "cousa" vai de barcos, queriamos compartir con tod@s vós este pequeno anaco dunha proxección de Mickey Mouse relacionada con este medio de transporte.
                      Sabedes que é unha escena do primeiro episodio???
                      Agardamos que vos guste.

                      lunes, 14 de noviembre de 2011


                      PRESENTACIÓN DO LIBRO “A CHAVE DA ATLÁNTIDA” DE ANXO FARIÑA

                                 O venres, día 11 de novembro, asistimos á presentación do libro de Anxo Fariña, “A Chave da  Atlántida”, editado por Xerais,  co que conseguíu o Premio Merlín de Literatura Infantil 2011.
                            Cun sinxelo acto na Casa do Libro de Vigo, o autor doutras historias coñecidas por nos coma “A Monstroescola” ou “Os Megatoxos”, etc, asinounos encantado un exemplar para a BiblioRía, ao tempo que nos agasallou cunha ilustración de tiraxe limitada de A-0 (A-cero), o personaxe principal da novela, tamén asinada.
                           Segundo o anunciado na invitación tíñanos preparadas algunhas sorpresiñas: unha montaxe de vídeo coa presentación da obra, un debuxo en directo e a lectura duns parágrafos da súa propia obra en voz alta. Todo un privilexio para os presentes!
                           E xa para rematar, a última sorpresa. A invitación á degustación dunhas riquísimas pastas que representan a chave e o continente afundido, con deseño de inspiración celta.
                          Non cabe dúbida que esta  historia, situada na Ría de Vigo, ten moita relación co noso proxecto deste ano.
                          Podedes coñecer máis cousas deste libro e do seu autor no blog: http://megatoxos.blogspot.com/
                         Aquí vos deixo unhas fotos do evento:





                       

                      domingo, 6 de noviembre de 2011

                      El oso miedoso

                      Na entrada anterior, comentabamos a importancia de traballar o sentimento de medo. Aproveitamos a festa do Samaín para ler contos destinados a superar esta emoción.
                      Podedes lembrar o artigo titulado CELEBRAMOS O SAMAÍN, publicado no blogue de educación infantil, premendo no título do mesmo e, dende este blogue, poderedes acceder a máis información sobre os libros traballados na entrada titulada CONTOS PARA TRABALLAR O MEDO.
                      Unha das lecturas traballadas e que non figuraba nesa lista de libros foi "El oso miedoso" e grazas a un dos milleiros álbumes picasa atopados na rede, a podemos compartir con vós.

                      (dende este álbum picasa, poderedes atopar máis lecturas sobre educación emocional)





                      viernes, 4 de noviembre de 2011

                      Contos para traballar o medo

                      TEMPO DE SAMAÍN, UNHA BOA ÉPOCA PARA TRABALLAR O MEDO A PARTIRES DOS CONTOS
                      Como todos os anos por estas datas, a celebración do Samaín é unha actividade que lles gusta moito a grandes e pequenos (bueno, a algúns non tanto... pero logran vencer os seus medos)
                      Dende as aulas de educación infantil do cole, decidimos traballar esta emoción dunha maneira lúdica e divertida.
                      Así, durante todos estes días de outubro-novembro, estivemos a ler e traballar nas aulas diferentes contos relacionados co sentimento de medo.
                      Algunhas lecturas recomendadas son as seguintes:

                      A MIÑA AMIGA A ESCURIDADE. Ella Burfoot. Baía Edicions.
                      ISBN 9788496893535
                      (Mentres María xoga, a escuridade entra a través da ventá do seu cuarto. María non se asusta e xuntas pasan boa parte da noite xogando e bailando. Esta historia presenta a escuridade como amiga das nenas e os nenos)

                      MONSTRUOS DIVERTIDOS. VV.AA., EDICIONES SM, 2000
                      ISBN 9788434880009
                      (Con este libro de rimas, o neno aprenderá que non hai que ter medo aos monstruos. En cada páxina se inclúen ilustracións sorpresa coas que o neno se divertirá)
                      GATO GUILLE Y LOS MONSTRUOS. Rocío Martínez. Kalandraka. 2000
                      ISBN 9788484640028
                      (Na casa de Guille escóitanse uns sons un tanto raros e ata a súa propia nai está asustada. Pero Guille atopa a fórmula para desenmascarar os medos)


                      E vós, coñecedes algunha publicación interesante que nos axude a traballar este sentimento???

                      martes, 1 de noviembre de 2011

                      Día das Bibliotecas Escolares

                      O venres, 28 de outubro, celebramos na BiblioRía o Día das Biblioteca Escolares.
                      Aquí vos amosamos o programa deste día.
                      Este ano, a BiblioRía quere celebrar o centenario do afundimento do Titanic e, por iso, plantexa este proxecto titulado:

                      "SUBAN A BORDO, LEAN E NAVEGUEN"

                      Nos exteriores da BiblioRía, nos atopamos cuns enormes barcos que decoran as dúas entradas á mesma, así como coas cintas-cortinas alusivas ao tema central, elaboradas polos nenos e nenas do colexio.

                      ... por un lado...
                      ... e polo outro...
                      09:30 - 10:20
                      Os primeiros en disfrutar das actividades foron os nenos e nenas de educación infantil. Nada máis chegar á escola, o alumnado puxo o mandilón e se colocou nas correspondentes filas para entrar de forma ordenada á BiblioRía... descubriron a cantidade de novas que Gaspar lles tiña preparadas!!!
                      O primeiro co que se atoparon foi cunha mostra de libros variados e relacionados co tema a conmemorar. Alí estaba Gaspar, vestido co seu gorro de capitán de barco e agardando por eles.
                      Todos estiveron moi pendentes das explicacións de Gaspar e da coordinadora da BiblioRía, a mestra Ángeles.
                      Así, nos lembraron as normas, os espazos destinados á literatura dirixida á nosa idade, os días do préstamo, o funcionamento das mochilas viaxeiras, etc.
                      Contemplaron a exposición, os diferentes libros, miraron as súas cubertas, ...
                      Unha vez rematada esta parte da visita, comezaron coa outra: a presentación da Formación de Usuarios da BiblioRía.
                      Este ano, contamos cunhas actividades nas que se traballan diferentes aspectos do funcionamento da biblioteca escolar de forma dixital e interactiva.
                      (para as poder descargar, preme na seguinte ligazón e accede á Wiki do colexio onde están aloxadas:

                      Da man da mestra Paula, puideron coñecer un pouquiño o contido das mesmas e disfrutar da pizarra dixital coa que contamos na BiblioRía.
                      Agora, cando baixen á biblioteca coa súa mestra, poderán traballar con elas e seguir aprendendo.
                      Xa para rematar, se lles entregou ás mestras uns preciosos marcapáxinas, elaborados por Ángeles, Geli e Begoña, e ao alumnado unhas saborosas gominolas coa forma do golfiño Gaspar.

                      10:20 - 11:10
                      O segundo grupo en disfrutar das actividade foi o composto polo alumnado de 3º ciclo (5º e 6º de primaria)

                      11:10 - 12:00
                      Os alumnos e alumnas de 2º ciclo (3º e 4º de primaria) baixaron á BiblioRía durante a terceira sesión da mañá.
                      Traballaron coa mestra Geli as actividades de Formación de Usuarios dirixidas a súa idade...
                      ... e tamén disfrutaron coas gominolas de Gaspar...
                       ... e as mestras do grupo tamén recibiron o seu marcapáxinas.

                      12:30 - 12:50

                      Cando tocaron as 12:30 horas da mañá e comezaba a Hora de Ler, se procedeu á entrega das mochilas viaxeiras e ao nomeamento dos voluntarios de 6º curso como axudantes da BiblioRía.
                      Un representante de cada aula do colexio foi o encargado de recibir a mochila correspondente e iniciar, esa mesma mañá, a peregrinaxe da mesma.
                      Por outro lado, se procedeu ao nomeamento dos voluntarios de 6º de primaria como axudantes da BiblioRía e as mestras Ángeles e Geli lles fixeron a "imposición" do seu colgante de axudante.
                      ´

                      13:40 - 14:30
                      Por último, o alumnado de 1º ciclo (1º e 2º de primaria) baixou á BiblioRía a última hora da mañá e disfrutou, igual que os seus compañeiros e compañeiras, das diferentes actividades e agasallos propostos.
                      Unha xornada moi divertida e chea de novas.
                      Estade moi pendentes deste blogue xa que, dende aquí, vos iremos contando as diferentes novas e actividades realizadas.
                      Ata a próxima.