CONTACONTOS DE 6º

Xa remataron os contacontos dos alumnos de 6º . Os nenos de infantil e 1º de E.Primaria pasarono fenomenal, disfrutando moitísimo. O traballo dos "contacontos" foi moi bo. 
A continuación deixamos o video.Botade un ollo!
 

Contos de 6º - Kizoa Editar Videos - Movie Maker

O alumnado de 6º CONTAN UN CONTO

Neste mes de maio,o alumnado de 6º contará un conto aos nenos e nenas de infantil. Deixovos a programación.

OS NENOS E NENAS DE 6º CURSO CONTARON CONTOS AOS MÁIS PEQUENOS

Os nenos e nenas de 6º curso, axudantes de biblioteca, prepararon no segundo trimestre do curso, nos recreos, un conto para contarlles aos nenos/as de 3,4,5 anos e 1º curso.

Os grupos fixéronse en función dos días que lles tocaba no recreo ser axudantes de biblioteca.

A maioría dos grupos funcionaron ben. Puxéronse de acordo para contar un conto e prepararon os personaxes con marionetas e caretas  feitas por eles.

A semana do 30 de maio ao 3 de xuño foron espectadores os nenos/as de 3 e 4 anos e a semana de 6 de xuño ao 10 os alumnos de 4 anos e 1º curso.

 Foi todo un éxito!!
Mirade as fotos!

 

VISITA DA CONTACONTOS RAQUEL QUEIZÁS

O mércores, día 4 de maio, visitounos a contacontos RAQUEL QUEIZÁS, por cortesía da editorial Edelvives . Fixo a animación de dous contos que leron os nenos e nenas de 1º e 2º cursos. Foi moi divertido! Mirade as fotos

VISITA DE MANUEL SOLLA

Hoxe, contamos na biblioRía coa visita do contacontos Manuel Solla, para animar as lecturas de 3º e 4º curso, por cortesía da editorial S.M.

No 3º curso leron o libro" La princesa triste" e os de 4º curso " Querido Max". Ambolos dous tratan de emocións diferentes. No primeiro a protagonista é a tristeza e no segundo o enfado ademais doutros valores.

Os nenos e nenas estiveron moi atentos as actividades grupais que se lle propuxeron, como escenificar esceas do libro e adiviñalas, debuxar animais que aparecen no libro...etc

Cando rematamos as dúas sesións os nenos e nenas aplaudironlle e dende a biblioteca lle dimos un agasallo de Gaspar. Para rematar a actividade Manuel deixou os seus comentarios no "libro de honor da biblioRía".

Aqui tedes as fotos!

 

TEATRO PREHISTÓRICO PARA OS NENOS E NENAS DE INFANTIL

Tres nenos/as de 6º e un neno de 5º representaron, na BiblioRía, para os nenos e nenas de infantil unha obra de teatro en tres sesións, unha para cada grupo, baseada no conto " La cueva de Altamira".

 A nosa mascota Gaspar presentou a obra.

A representación tiña dúas partes: na primeira fixeron unha representación  do conto e na segunda parte explicaron, sobre un power point, onde está a cova de Altamira, como vivían naquela época e as pinturas que facían. 

Por último, un neno recitou unha poesía sobre o conto creada por él.

Os nenos e nenas de infantil pasárono moi ben!! e os nenos/a maiores fixérono estupendamente.

 Non vos perdades as fotos!

CONTACONTOS DA COMPAÑÍA "PINGA TEATRO"

Hoxe, 21 de abril, tivemos a sorte de contar cun contacontos moi especial, por cortesía da editorial Hércules.

María e Miguel, da compañía " Pinga teatro" fixeron unha animación do conto que estiveron a ler os nenos/as de 1º e 2º cursos titulado:

 " A nai da nai da miña mamá".

Fixeron unhas actividades moi entretidas e participativas; de xeito que cando rematou a sesión os nenos/as non querían que se foran e eles moi amablemente alongaron a sesión con dúas cancións máis.

 Disfrutaron moitísimo!!!

Por último, asinaron no noso libro e os nenos/as agasalláronlles co chaveiro da biblioría, que lles gustou moito.

Esperamos que volvan pronto!!  

Aquí tedes, coma sempre, a reportaxe gráfica!

VISITA DO CONTACONTOS MANUEL SOLLA

O luns, día 20 de abril, tivemos, de novo no colexio, o contacontos Manuel Solla, por cortesía da editorial S.M.

Todos os nenos/as do colexio asistiron en diferentes quendas as sesións que se programaron dende o equipo de Biblioteca.

Fixeron varias actividades sobre os libros que están a ler: interpretaron e identificaron esceas dos libros por grupos, convertíronse nos  seus personaxes favoritos....etc.
Por último, asinou no noso libro e os nenos/as agasalláronlle co chaveiro da BiblioRía 

 Aquí tedes as fotos!

Contacontos "Son San"_Raquel Queizás

Na escola, os nenos e nenas de educación infantil, puidemos desfrutar dunha sesión de contacontos con Raquel Queizás. O título de conto foi 

"SON SAN"

e grazas á súa ambientación (elaborada con materiais de refugallo) e á marabillosa posta en escena, e interpretación de Raqueñ, pasamos unha sesión super divertida e moi saborosa, xa que a través da historia, o alumnado puido coñecer a importancia dos hábitos saudables, así como de comer froita de forma rutinaria.

Aquí vos deixamos coas imaxes da sesión que agardamos vos gusten.

Grazas Raquel!!!

EUROPA Á CARTA

O luns, día 2 de Xuño, tivemos o terceiro e último obradoiro do proxecto COCIÑANDO CONTOS.

Nesta ocasión foi para o alumnado de 4º de E. Primaria e resultuo igualmente interesante e divertido.

Distribuídos en cinco grupos de cinco nenos e nenas, Cristina, a monitora de OQO editora, comezou presentándolle un mapa de Europa e a continuación imaxes de comidas que correspondían a distintos  países: España, Francia, Italia, Polonia e Portugal. Coñecíamos o nome de moitas comidas, sobre todo do noso país, aínda que tamén de Italia, Francia e Portugal.

Logo comeza o xogo, clasificar as fotos das comidas e saber de que país son, elaborar un menú para un restaurante, ao que lle teñen que buscar un nome que teña  algo que ver co país, poñerlle precio ao menú e facer unha promoción.

Por último cada grupo expuxo aos demaís o seu traballo facendo razoamentos sobre os prezos.

O obradoiro foi todo un éxito que lles deu a oportunidade de traballar unha chea de conceptos sociais, matemáticos e gastronómicos dun xeito divertido.

Unha vez máis, grazas Cristina, e tamén grazas a OQO editora e ao Concello de Vigo por este proxecto.

CONTACONTOS " SARABELA"

O día 21 de  maio, tivemos a grata sorpresa de contar con   Nati,  ou Nati Natillas, do grupo de teatro “Sarabela”, que nos trouxo á biblioteca a editorial Everest, e que nos deleitou con duas sesión de contacontos.

A primeira sesión, as 10:20 de mañá, foi para os nenos e nenas de E. Infantil, o ciclo completo. Setenta e cinco nenos e nenas espectantes por ver que lles podía contar de novo aquela moza que os agardaba na biblioteca.

Nati ten un amigo que se chama Emilio, que é cociñeiro, e mentres fai as comidas a xente pasa pola cociña e cóntalle historias, despois Emilio cóntallas a Nati e así é como ela nolas pode contar a nos.

A primeira historia era dun can chamado Nico, que vivía nunha granxa de ovellas, pero pola noite non podía durmir, ate que a súa irmá Nica lle propuxo que contase ovellas, como fan os humanos.

A continuación contounos unha historia de unha viaxe de Emilio a África, que coñeceu a tribo dos “Mangala”, aprendemos una canción africana e descubrimos como apareceron os animais da selva.

E como os nenos e nenas querían máis, Nati compraceunos contándolles outro conto  africano titulado “Os tres moniños”, que se parecía moito aos 3 porquiños.

Foi unha sesión estupenda onde os pequenos do cole participaron interactuando e colaborando en todo aquilo que  a contacontos lles pedía.

        Estiveron moi atentos non so á narración, senón a esa magnífica    expresión corporal coa que Nati  acompañaba cada historia. 
 

A segunda sesión foi ás 11:10h  para o 2º ciclo de Primaria, ou sexa para 3º e 4º. Nesta sesión foi tamén Nati quen nos contou as historias que lle  contou Emilio mentras cociñaba.

Contoulle unha historia que ten presente sempre que cociña, para non esquecerse de botar sal as comidas que fai na súa cociña.

A historia trata dun rei que expulsou a súa filla do reino porque lle botou sal na comida; despois dun tempo, decatouse da importancia que ten o sal, porque sen esas pedriñas pequenas as comidas non teñen sabor; de este xeito pediulle perdón  a súa filla e dende aquel momento empezou a valorar máis as cousas pequenas coma o sal.

 Por último, contounos  unha historia do Kiwi, un paxaro de Nueva Zelanda, que foi o único animal que axudou ao rei a salvar os bosques de Nueva Zelanda, que estaban sendo destruídos polos vermes;  por isto éste animal é moi valorado e querido no seu país.
Despedímonos de Nati agradecéndolle o bo momento que nos fixo pasar e invitándoa a vir noutro momento a contarnos máis historias.
Para rematar, escribíu no "libro de Bitácora"e  os nenos e nenas entregáronlle o noso marcapáxinas.

 

COAS MANS NA MASA

   O luns, 19 de maio, á volta do recreo aos nenos e nenas de 1º de E. Primaria esperábaos unha gran sorpresa. Raquel e Cristina, as monitoras de OQO editora, agardábanos na aula cunha mesa chea de produtos de cociña e un conto xa coñecido para eles, MARUXA, que recibimos xunto con outros de agasallo da editorial OQO.

Raquel comezou contando o conto:  Maruxa decide dar unha lección ao seu marido. Astuta, e cunha gran habilidade no manexo da retranca, logrará que Pepiño tome consciencia de que o traballo da casa está mal repartido e consegue que cambie de actitude. Este álbum está baseado na canción popular polaca Maryna gotuj pierogi, unha das máis coñecidas do repertorio folclórico do país. Fixéronse diversas versións, desde orquestras sinfónicas, a solistas, grupos de jazz, rock..

              A cuestión era que non había pan e Pepiño tiña fame, entón pensamos que ingredientes son necesarios para facer pan: Fariña, auga, sal e fermento. Así que mans á obra, Cristina comezou a preparar a masa, repartiu cachiños entre todos e cun pouco mais de fariña seguimos amasando ata que quedou mais dura.

Raquel amosounos unha ilustración orixinal da ilustradora do libro, Mafalda Milhões.

   Os persoaxes estaban feitos de masa de pan, así que,  xa coas mans na masa, nos tamén fixemos os nosos persoaxes coas nosas propias mans e seguindo as indicacións das monitoras en todo momento. Para rematar pintámolas con temperas de cores e quedaron chulísimos!

  Non vos perdades as fotos coa música da canción polaca que inspirou este album.!

  Graciñas a Raquel e Cristina, a OQO editora e ao Concello de Vigo por este obradoiro tan estupendo! 

CONTOS A PEDIR DE BOCA

Onte, luns 19 de maio, empezamos cos obradoiros de contos. 
O primeiro titúlase "CONTOS A PEDIR DE BOCA"
 Os protagonistas foron os nenos e nenas de 5 anos.

Hoxe,  contámosvos como foi a sesión de animación á lectura e contacontos na escola, na que traballamos arredor destes contos e realizaremos actividades "saborosas".

A través do obradoiro, puidemos descubrir un repertorio de historias onde o tema principal foi a alimentación e todo o que xira ao seu arredor: alimentos, cociña, sabores,...

A BiblioRía estaba preciosa, ambientada cunha decoración chulísima, así coma cos contos que recibimos na aula e algúns que, ao longo da sesión, coñecimos.

 Comezamos o obradoiro coa lectura duns contos saborosos que nos gustaron un montón. Raquel é unha fabulosa contacontos!!! Todos e todas estabamos atentísimos ás historias e aos acontecementos que, páxina a páxina, descubriamos. Aínda que algunha historia xa a tiñamos visto na aula, foi un pracer voltar a escoitar o conto da man da nosa contacontos.
"Croco" foi o primeiro conto; despois chegaron dúas historias xa coñecidas por nós: "Sopa de nada" e "A Sopa Queima".

 Rematamos a sesión de contos co xigante " Verlioka".

Unha vez rematada a lectura dos contos, chegou o momento de poñer "mans á masa" e traballar coa infinidade de alimentos que Raquel trouxera á sesión. 

De un en un,  achegámosnos á mesa onde a monitora  deunos un anaco de prato de papel, un alimento e descubrimos outros agochados baixo unha "bolsa sorpresa". Con todo iso, tiñamos que debuxar no prato a receita que saira: "Ovos con tomate", "Fideos con peixe", "Tarta con mel",... foron algunhas das receitas que fixemos.

Unha vez rematadas, buscamos as nosas "parellas de prato", a partires da cor que cada un deles tiña por detrás. Así, formamos e completamos cada un dos pratos para realizar estes días na aula un pícnic con elas.

Raquel agasallounos cun mantel que decoraremos estes días e co que poderemos facer unha requetesaborosa receita.

Se queredes ver as fotos premede no enlace de abaixo.

 

CONTARTE:COCIÑA DE CONTOS

Dende a Concellería de Educación, de Concello de Vigo, en colaboración con OQO editora, na súa cuarta edición de QONTARTE, concedéronnos tres obradoiros gastronómicos-literarios e de plástica creativas, para promover entre os nenos e nenas o coñecemento de distintos países europeos  a través dos seus contos tradicionais e das súas manifestacións gastronómicas. Esta campaña titúlase: “ COCIÑA DE CONTOS. EUROPA Á CARTA” .    

As monitoras da editorial OQO, Raquel e Cristina, son as encargadas de  impartirnos os seguintes obradoiros:

-         Para 6º de E. Infantil: “CONTOS A PEDIR DE BOCA” (19-05-2014 ás 10:20 h.)

-         Para 1º de E. Primaria: “COAS MANS NA MASA” (19-05-2014 ás 12:30 h.)

-         Para 4º de E. Primaria: “EUROPA Á CARTA” (02-06-2014 ás 12:30 h.)

VISITA DE MANUEL SOLLA

Hoxe, día 14 de maio, foi un día moi especial. 

Os nenos e nenas de 1º e 2º cursos recibimos a visita na BiblioRía do contacontos Manuel Solla, xa coñecido por todos/as posto que o curso pasado disfrutamos tamén da súa compañía, por cortesía da editorial S.M.

Dunha maleta sacou un montón de personaxes: o ratiño Flic, a princesa da boca de fresa, o príncipe, a ra, o dragón e o paxaro.

Foi unha actividade moi entretida, os nenos/as participaron  moi activamente.

 Pasámolo todos moi ben!!
Xa sabedes; aquí debaixo tedes o reportaxe gráfico

 

O Cullarapo Croque

Onte, martes 22 de outubro, os nenos e nenas de 4 e 5 anos desfrutamos dunha actividade sobre o conto "O Cullarapo Croque", grazas á visita á escola de Miguel, un mestre contacontos moi divertido (preme no seu nome para coñecelo un pouco máis).
Ao longo da actividade, puidemos descobrir os poemas que integran o libro e que xiran sobre temas como a lingua, o amor, o respecto a individualidade.... xunto a fermosas imaxes que forman un "todo" perfectamente conectado. 

Todos os presentes escoitamos con atención a Miguel, así coma participamos nas actividades e xogos que nos propoñía. Ao rematar a sesión, puidemos debuxar nunha folla unha das personaxes do conto que máis nos gustou e agasallar ao noso contacontos cunha morea de debuxos sobre o libro.
Aquí vos deixamos as imaxes da sesión.

Aquí vos deixamos coa presentación deste libro (un vídeo que puidemos atopar no blog  http://elvuelodelasmariposas.com/)

Por último, compartimos tamén este vídeo cos versos do libro.