viernes, 20 de diciembre de 2013

DENDE O EQUIPO DE BIBLIORÍA DESEXÁMOSVOS

FESTIVAL DE NADAL

Estamos a piques de rematar o ano e, como sempre nestas datas, prográmaronse unha serie de actividades para celebrar o NADAL, os días 18, 19 e 20 de decembro.

  O mércores, 18 de decembro foi a festa de Educación Infantil e 1º ciclo, coas seguintes actuacións:

4º Ed. Infantil . " Los pajaritos"
5º Ed. Infantil: "Baile del gorila"
6º Ed. Infantil: "Levantando las manos"
1º Ed. Primaria: "La chica Yeyé"
2º Ed. Primaria: "La Yenka"


O xoves, 19 de decembro, actuaron os nenos/ as do 2º e 3º ciclos.



5º Ed. Primarial: "Guernica: a luz negra"
4º e 6º Ed. Primaria: "Baile do nadal"
3º Ed. Primaria: "O parte"
4º Ed. Primaria: "Chega o nadal"
6º Ed. Primaria: "Jingle bells"

O venres, 20 de decembro, en colaboración coa ANPA, conteremos coa visita de Papá Noel e fixemos unha chocolatada.

Aquí tedes as fotos:

PREMIOS DE LITERATURA E DEBUXO

Nestas últimas datas seguimos a recibir moi boas novas con respecto ao recoñecemento dos traballos presentados por alumnado do centro en diferentes convocatorias de creación literaria.

O día 14 de decembro, unha compañeira de 5º curso, MARÍA LÓPEZ GABIÁN foi recoller o 1º premio do 6º CONCURSO DE RELATOS
“CIENCIA QUE CONTA” convocado pola Universidade de Vigo e a Fundación Barrié de la Maza.  

O xurado dictaminou o seguinte do traballo presentado co título de “Experimento: MorrisII” : “Valorouse neste texto a eficaz sinxeleza con que a voz narradora dunha nena curiosa e interesada polo saber nos conta unha experiencia científica integrada na súa vida cotiá. Deste xeito, algo tan básico como o xerminar dunha faba serve para ilustrar os fundamentos da experiencia científica”. Esta obra estárá colgada en breve na páxina web do colexio.

Tedes que saber que a súa irma, MARTA LÓPEZ GABIÁN, que agora estuda no IES Alexandre Bóveda, gañou un Accésit co relato “A grandeza de Carolina”

Este martes, día 17, recibimos no cole a visita doutro excompañeiro, da mesma clase que Marta, que chegou ao colexio a donar un libro no que aparece publicado un relato da súa autoría. Falamos de ALEJANDRO RIVERO BARROS, que estuda 2º da ESO no IES Coruxo.Este libro foi publicado pola Comunidade Autonómica de Murcia a partir dos traballos gañadores do “VI  Certamen Nacional de Relatos” dirixido ao alumnado das distintas aulas hospitalarias de toda España.
E hoxe, día 21, o noso compañeiro CÉSAR ALONSO vai recibir o 1º premio de debuxo convocado polo “Parque Nacional Illas Atlánticas”.
                      NORABOA A TODOS!

XA É NADAL NO RIA DE VIGO

Grazas as aportacións das familias  o porche quedou moi navideño con esas tarxetas tan creativas que cada quen fixo na súa casa .
GRACIAS POLA VOSA COLABORACIÓN! 
E FELIZ NADAL!!

jueves, 19 de diciembre de 2013

LECTURAS DE AGASALLO POLO NADAL

Como sempre, dende a BiblioRía, por estas datas, recoméndanse 
unha serie de libros para que  os nenos/as pidan este Nadal a Papá Noel ou aos Reis Magos.

Vigo, decembro 2013

Estimadas familias:

Poñémonos en contacto con vós para informar que desexamos que @s vos@s fill@s lean, no segundo trimestre, un libro en galego e outro en castelán, de forma colectiva na “Hora de ler”.

Xa falamos con diversas editoriais, e ofreceron sesións de animación á lectura (encontro con autores, ilustradores e contacontos), a cambio de ler eses libros recomendados.

Parécenos unha boa ocasión aproveitar estas datas de Nadal e Reis, para incluir o pedido de libros nas cartas a eses ilustres personaxes.

Empezaremos a traballar con eses libros á volta das vacacións de Nadal, polo que necesitamos  que @s nen@s os teñan para esas datas. (Sería mellor que estiveran forrados e co nome d@ alumn@).

Grazas pola vosa colaboración. Un saúdo.

                    As titoras, titores e o equipo de biblioteca.

Aquí tedes  as fotos dos libros recomendados:
 

miércoles, 18 de diciembre de 2013

O COLEXIO E A GARDERÍA DE SAIÁNS UNIDOS POLA ARTE

O luns ,11 de decembro os pequenos da Gardería de Saiáns visitaron o noso colexio.Nesta visita os "maiores de 3 anos" ensináronlles a traballar as cores e as formas con KandinsKy, porque xa coñecen moi ben dúas obras de arte do autor:
 "Cadrado con cículos concéntricos" e
 " Trece rectángulos".
Aquí tedes as fotos:

jueves, 12 de diciembre de 2013

ADEUS A MANDELA




Estes días espertamos cunha triste nova:
 o falecemento de Nelson Mandela 

O corazón de Nelson Mandela, MADIBA como lle chamaban cariñosamente no seu país, apagouse o pasado xoves día 5 .
Para tod@s foi un exemplo  de BONDADE  e un firme defensor da LIBERDADE , a DIGNIDADE  e a UNIDADE  do seu pobo. 
Todo isto adornado co seu SORRISO  imborrable.
Nunca perdeu o optimismo: foi condenado a cadea perpetua realizando traballos forzados nas canteiras de cal, pero en ningún momento dubidou de que sairía e liberaría ao seu pobo.
Todos os líderes mundiais esixiron a súa posta en liberdade e cando quedou libre, despois de 27 anos, renunciou públicamente á violencia e comprometeuse a atopar unha solución para acabar coa situación de discriminación na que vivían os negros en Sudáfrica.
Loitou contra a  pobreza, a desigualdade e o racismo  no que vivía a xente negra  durante o Apartheid, un réxime de segregación racial no que as persoas de cor non podían votar nin ocupar postos de traballo "propios de brancos", non podían relacionarse con eles nin tan sequera viaxar nos mesmos autobuses que eles.
Polo ben do seu país, foi quen de perdoar os inxustos anos que pasou na cadea e  de convencer a todos de que era posible unha convivencia pacífica que sentase as bases dun sistema democrático en Sudáfrica.
 Por iso, negros e brancos, brancos e negros choran unidos a morte de Mandela, un home irrepetible.

"Transformou a historia do seu país dunha maneira que parecía inconcevible e demostrou, coa súa intelixencia, honestidade e valentía que no campo da política, ás veces, os milagres son posibles" (Mario  Vargas Llosa).

Aquí tedes o enlace dunha presentación fantástica, feita pola Biblioteca do CEIP A Maía de Bertamiráns. Gracias pola aportación!


http://issuu.com/biblioamaia/docs/mandela

jueves, 5 de diciembre de 2013

VISITAS AOS MUSEOS


Dentro do proxecto " Lendo con Arte" tiñamos previsto facer, como actividade de motivación inicial, as visitas aos museos.

POR FIN CHEGOU O GRAN DÍA!!

No mes de novembro e decembro  os nenos/as de Educación Infantil, 1º, 2º e 3º ciclos acudiron a exposicións en distintos museos.
Contámosvos como foron estas visitas tan desexadas: 

O día 20 de novembro os nenos/as do 2º ciclo acudiron a Fundación Laxeiro".
Primeiro miraron o Trasmundo e despois debuxárono.
A continuación miraron retratos de Laxeiro e percibiron as diferencias entre cada un deles.
Máis tarde foron a unha sala onde estaba representada a visión de Galicia segundo o que lle contou a  avoa de Laxeiro.
Por último, miraron pinturas abstractas que fixo en Buenos Aires.
Encantóulles a visita e aprenderon moitas cousas!

O día 21 os nenos/as de 5º e 6º de Educación Infantil acudiron tamén ao Centro Cultural Caixanova a ver a exposición de Ruibal e a Fundación Barrié de la maza a ver a exposición " Historias da Historia"".
A visita á Fundación Barrié de la Maza comezou subindo a un ascensor xigante para acceder a exposición.
O alumnado a través de diferentes salas e actividades, foi descubrindo como vivían os homes e mulleres na prehistoria e tamén fixeron o taller " Festivalín".
 Na exposición de Ruibal puideron descubrir que con uns pouquiños e simples trazos foi capaz de realizar diferentes animais, así coma tamén esculturas sinxelas e diversas, que os representan.
Puideron atopar pola sala diferentes animais  e comentar co monitor as súas características máis importantes e diferentes curiosidades.
Tiveron un momento para converterse en artistas, pintando as súas propias xirafas que levaron de agasallo á escola.

O día 22,  o 1º ciclo acudiú á Fundación Barrié de la Maza a ver a exposición 
" Historias da Historia" e á Fundación Caixanova a ver a exposición de Ruibal.
Na primeira,  puideron ver a diferenza entre a prehistoria e a Idade moderna, reflexionando e puidendo ver tamén distintas posibilidades sobre  como pode ser o noso futuro, despois fixeron unha actividade didáctica titulada " Festivalín", na que tiveron que debuxarse eles no pasado e no futuro.
A continuación, visitaron a Exposición de Ruibal; parecéulles increíble como con poucos trazos puido facer uns debuxos tan bonitos. O monitor explicoulles que a intención de Ruibal era representar o movemento dos animais. Descubriron os diferentes animais e, coa axuda do monitor, foron nomearon as súas características. Para rematar fixeron un taller, no que  completaron o debuxo dun xirafa que puideron levar para a súa casa.
Gustóulles moito esta exposición!
 
O día 4 de decembro os alumnos/as do terceiro ciclo acudiron á exposición
 " Veraneantes" , no museo MARCO. 
Visitaron tres salas e un aula chamada "laboratorio do arte", onde fixeron actividades empregando materiais de reciclaxe para elaborar pratos. 
Realizaron unha obra plástica estupenda!
 
Como podedes comprobar foron unhas semanas moi completa na que os nenos/as do colexio  aprenderon e disfrutaron co arte.

Aquí tedes os enlaces de cada unha das exposicións e, por suposto, algunhas das fotos que fixemos.
http://www.obrasocialncg.com/es/evento/a_fauna_na_obra_de_ruibal_en_vigo
http://www.fundacionbarrie.org/es/actividades/exposiciones/exposiciones-temporales


miércoles, 20 de noviembre de 2013

OS NOVOS AXUDANTES DA BIBLIORÍA

No colexio contamos, como noutros cursos, cuns axudantes para as tarefas da BiblioRía.
Son os nenos/ e nenas voluntarios de 6º curso que xunto cunha mestra,   durante os recreos, fan tarefas moi importantes para o funcionamento da nosa Biblioteca, como por exemplo:

-Axudar aos pequenos a atopar un libro que  les guste.

-Manter os andeis ordenados e colocar os libros onde corresponda.
- Axudar a coñecer as distintas zonas da nosa Biblioteca.
- Axudar a que os  nenos/as  respecten as normas.
De todos los xeitos,  sempre saben que si xorde algún problema que non podan resolver poden acudir ás mestras encargadas. 
Gracias pola colaboración!!

jueves, 14 de noviembre de 2013

OS CORREDORES ÉNCHENSE DE ARTE

 Os corredores seguen enchéndose  de arte.
Ampliamos a nosa colección cunhas obras de arte impresionantes,  que tivo a ben  prestarnos un padre dun alumno do noso colexio, que é profesor no IES "Val do Tea". 
 Moitas grazas Carlos!
 Mirade  que museo temos no colexio! e seguiremos ampliándoo......estade moi  atentos!
O

martes, 12 de noviembre de 2013

A MALETA DE GASPAR CHEGA ÁS AULAS


QUERIDOS AMIGUIÑOS E AMIGUIÑAS:

Estou seguro de que neste intre xa fostes quen de descubrir onde fun parar cando me perdín por aquel labirinto de canales. Pois sí, aquela casa tan grande chea de cadros pendurados das paredes era un MUSEO.
Tamén estou seguro de que xa sabedes en que cidade me atopaba, jaja. Que listos sodes!


Que cadros tan fermosos hai nos museos! Aínda que todos son tan diferentes . . . uns cheos de cores, outros escuros, uns cheos de persoas e outros de flores, tamén os hai con figuras xeométricas, raias, . . . uf, que variedade!
Por que será iso?
E a vos, cal vos gustaría máis?
En canto cheguei á BiblioRía púxenme a revisar os andeis, e no do número 7, no que os libros teñen a etiqueta de cor ROSA, descubrín unha chea de libros que teñen fotos de cadros que vin naquel lugar e outros moitos que non estaban alí. Tamén encontrei libros que falan de persoas que fan eses cadros. Foi todo un descubrimento, e sen saír da biblioteca!
Tamén prendín o ordenador, conecteime a internet e preguntei ao señor Google. Uf, aí si que atopei cousas tamén!
Estou fascinado con este achado! Por iso pensei compartilo con vos. Estou seguro de que tamén vos gustará mergullarvos neste MUNDO DA ARTE tan cheo de cores.
Estades dispostos para unha nova aventura?
Pois non se fale máis e mans á obra!
Para comezar, non vos gustaría visitar un MUSEO ou unha EXPOSICIÓN de pintura?
Pois non vos preocupedes, que xa me encarguei eu de concertarvos unha visita a unha EXPOSICIÓN DE PINTURA,  para que vexades que tamén hai cousas marabillosas tan pretiño de nos.

Por outra banda, vos propoño que miredes ben o contido da maleta. Aí hai un libro que seleccionei especialmente para vos,que resultará moi interesante para coñecer máis a fondo o cadro e o seu autor.
Estou seguro que entre todos seremos quen de converter este cole nun verdadeiro museo!!


CONVERTEMOS A ESCOLA NUN MUSEO

Nestes días estamos levando a cabo o encargo de Gaspar.
Os corredores xa se van enchendo de arte, como podedes ver nas seguintes fotos.

jueves, 7 de noviembre de 2013

PREMIO NACIONAL DE CÓMIC 2013

Miguel Anxo Prado ( A Coruña, 1958) é o novo premio Nacional de Cómic, grazas a súa obra "Ardalén", que concede o Ministerio de Cultura, dotado con 20.000 euros.















 Tamén podedes atopar máis información na súa páxina web:

http://www.miguelanxoprado.com/

 AQUÍ TEMOS  O CARTEL  
DAS BIBLIOTECAS ESCOLARES DESTE ANO



        As bibliotecas escolares galegas viviron importantes transformacións nos últimos anos, grazas ao esforzo conxunto de comunidades educativas e administración, nunha tarefa que ten como finalidade ofrecer máis e mellores instrumentos ao alumnado para a súa formación académica e persoal. Estas transformacións non foron só físicas (moito profesorado afirma que a biblioteca é o espazo máis fermoso do seu centro); o cambio máis importante é o que se produce no centro educativo cando a biblioteca se activa, porque arredor das súas propostas e dos seus recursos, da actividade que xenera e os apoios que presta, botan a andar (ou cobran forza, asentándose) dinámicas de traballo diferentes, prácticas pedagóxicas máis activas, propostas máis colaborativas, proxectos ilusionantes que axudan a construír coñecemento e a construír comunidade tamén. 


   deixámosvos co artigo publicado na páxina oficial

http://www.edu.xunta.es/biblioteca/blog/

domingo, 27 de octubre de 2013


DÍA DAS BIBLIOTECAS ESCOLARES

      O día 24 celebrouse o Día Internacional das Bibliotecas Escolares, aínda que debido á folga, no colexio celebrámolo o VENRES 25, coa reapertura da nosa Biblioteca.
Foi unha celebración simbólica que servíu para lembrar as normas, revisar as carpetas, motivar aos alumnos, así como introducir o lema deste curso 


"LENDO CON ARTE"
   Todos os grupos de alumnos baixaron á biblioteca co seu titor/a, para ver a exposición de Libros de Arte, lembrarlles o funcionamento, distribución de espazos, préstamos...etc.

Miramos dous vídeos, un deles " El perro y el delfín", que explica o valor da amizade.


  O outro vídeo titúlase " La lectura en el arte ", onde aparecen cadros con persoas  lendo.
 l

Como despedida, todos os alumnos/as recibiron un agasallo de gominolas de Gaspar e  un marcapáxinas para colorear, relacionado co lema deste curso.

Asemade, entregouselle aos encargados de Biblioteca  do 6º curso os seus correspondentes distintivo,s que  terán que poñer o día que lles toque traballar no recreo.

Por último,un neno/a de cada curso  baixou a Biblioteca para recoller a mochila viaxeira, que comeza sempre a súa andaina por estas datas.

FOI UN DÍA MOI, MOI ESPECIAL PARA TODOS NÓS!!

Aquí tedes unha selección de fotos dos momentos máis importantes, coa música que estará  sempre presente  na nosa BiblioRía.

viernes, 25 de octubre de 2013

Nova carta de Gaspar

O pasado mércores, 23 de outubro, chegou ás nosas aulas unha nova carta de Gaspar.




Ola amiguiños e amiguiñas!

Aquí estou xa de volta, e encantado de pensar que axiña vou estar con vos, todos os días, escoitando as vosas risas e os vosos contos.

Como xa falta pouco para o Día das Bibliotecas Escolares, o 24 de outubro, estamos a preparar una pequena festa para ese día, por iso vos mando unha invitación. Espero que poidades vir todos/as, xunto coas vosas profesoras e profesores.
Pero antes quero mandarvos unhas pistas para axudarvos a descubrir o enigma proposto na carta anterior.
A primeira pista é un agasallo, un bulbo dunha pranta, que vos traio dese lugar no que estiven. Se o prantades e o cuidades ben, na primavera dará unha flor que é a típica do país no que me atopaba. Alí hai campos cheos delas, Xa o adiviñastes?
A segunda pista é ao mésmo tempo un pequeno favor que vos quero pedir. Xa tedes decorados os cadrados de cartolina que vos encarguei? Pois se é así gustaríame que poñades neles,  ben centradiñas, as láminas que vos envío. E... a ver que vos fai pensar! Pero antes diso, dádelle a volta, e coa información que atoparedes detrás podedes encher a ficha que tamén vos mando. Agora si podedes pegalas, pero con BLUE-TACK,  eh! (facede catro boliñas, unha en cada esquina e xa está).
Penso que volo puxen fácil, non si? Seguro que agora xa sabedes onde estiven e tamen en que país. E si é así, tamén tedes a pista do tema deste curso. Se aínda non o tedes claro non vos preocupedes, o día 25 quedará desvelado o misterio.
Moito me gustan estes xogos!  E a vos?
Bueno, pois non se fale máis. Mans á obra!
Agardo por vos,  o día 25,  na BiblioRía.
Bicos de libros,
GASPAR
16 de outubro de 2013
 
Despois de ler a carta, estivemos a falar e "discurrir" sobre as pistas que nos relataba (aquí podedes ver ao alumnado de 5 anos descubrindo o bulbo e as láminas agasalladas por Gaspar):

1. A primeira pista é un agasallo, un bulbo dunha pranta, que vos traio dese lugar no que estiven. Se o prantades e o cuidades ben, na primavera dará unha flor que é a típica do país no que me atopaba. Alí hai campos cheos delas, Xa o adiviñastes?

2.A segunda pista é ao mésmo tempo un pequeno favor que vos quero pedir. Xa tedes decorados os cadrados de cartolina que vos encarguei? Pois se é así gustaríame que poñades neles,  ben centradiñas, as láminas que vos envío. E... a ver que vos fai pensar! Pero antes diso, dádelle a volta, e coa información que atoparedes detrás podedes encher a ficha que tamén vos mando. Agora si podedes pegalas, pero con BLUE-TACK,  eh! (facede catro boliñas, unha en cada esquina e xa está).
Dentro de moi pouco, poderedes desfrutar coas actividades realizadas nas aulas coas láminas, así como das prantacións dos bulbos dos que medrará unha flor típica do país por onde andivo a nosa mascota.
De momento aquí vos deixamos coa invitación  para asistir á reapertura da BiblioRía (cada aula tiña a súa propia invitación personalizada).