ENTROIDO2022
XA CELEBRAMOS O ENTROIDO NO RÍA DE VIGO, DENDE AUGAMARES ATA PIRATAS, DENDE ASTRONAUTAS ATA ESPELEÓLOGAS E CHINESAS, INDIAS E NINJAS...TODO FOI POSIBLE VIAXANDO AO REDOR DAS OBRAS DE JULES VERNE..
Mostrando entradas con la etiqueta Entroido. Mostrar todas las entradas
Mostrando entradas con la etiqueta Entroido. Mostrar todas las entradas
lunes, 28 de febrero de 2022
viernes, 12 de febrero de 2021
ENTROIDO NO RÍA
Este ano, tendo en conta as dificultades que conleva a pandemia referentes aos grupos reducidos e a participación das familias no centro, optamos por facer un concurso/desfile de entroido retransmitido en directo, seguindo a temática do noso PDI. Adxuntamos aquí o enlace en diferido da gravación desta mañá. Esperamos que o desfrutárades tanto coma nós!
BO ENTROIDO!
domingo, 26 de febrero de 2017
ENTROIDO
E chegou o ENTROIDO.
Este ano , e continuando co proxecto da biblioteca, cada curso escolleu unha marabilla para traballar e disfrazarse no entroido decoramos o estandarte, : Muralla China, Coliseum, Taj Mahal, Chichen Itzá,Machu Pichu, O Cristo de Corcobado e Petra.
Este ano , e continuando co proxecto da biblioteca, cada curso escolleu unha marabilla para traballar e disfrazarse no entroido decoramos o estandarte, : Muralla China, Coliseum, Taj Mahal, Chichen Itzá,Machu Pichu, O Cristo de Corcobado e Petra.
E comenzou o desfile polo entorno do colexio en San Miguel de Oia. Pasámolo fenomenal e á volta, degustamos as sobremesas típicas desta festa aportadas polas familias.
Se queredes ver os disfraces, mirade o vídeo.
Tamén podedes visitar o blogue de Primaria e de Educación Infantil.
lunes, 8 de febrero de 2016
ENTROIDO CHEO DE EMOCIÓNS
Como xa sabedes, este curso estamos a traballar as emocións co lema
" EMOCIÓNATE COA LECTURA".
Deste xeito tivemos un entroido cheo de emocións
Os nenos e nenas de Infantil, 1º e 2º cursos disfrazáronse de monstruos de cores, baseado no conto sobre emocións que están a traballar na clase.
Ó principio o monstruo estaba liado, sentindo moitas emocións ao mesmo tempo, mais ó final axudado por unha nena xa soubo colocalas cada unha no seu sitio.
Uns nenos e nenas foron de monstruos amarelos, que simbolizan a alegría, outros de verde, representando a calma, outros de vermello, coa ira como protagonista e outros de azul, que é a cor da tristeza. Faltou o monstruo negro, que simboliza o medo e todos/as quixemos poñerllo como meco e queimalo, para que o medo non nos acompañe nunca máis.
Despois do desfile e da queima do meco, degustamos os riquísimos postres do entroido que trouxeron os nenos/as.
Se queredes ver as fotos premede no enlace de abaixo. tedes máis fotos na páxina web do colexio e do Anpa e no blogue de Infantil.
viernes, 28 de febrero de 2014
UN ENTROIDO CHEO DE ARTE
Hoxe, venres, día 28 de febreiro, celebramos no colexio o entroido.
Este ano, como xa sabedes o proxecto que se está a desenvolver titúlase " "LENDO CON ARTE".
Deste xeito, cada clase disfrazouse do tema que levan traballando neste curso, relacionado co arte.
Os nenos/as de 3 anos co seu disfraz fixeron unha
"Noche estrellada " de Van Gogh
Os rapaces/as de 4 anos disfrazáronse de pintores.
Os nenos/as de 5 anos representaron o cadro de
" Los Girasoles" de van Gogh.
Os nenos/as do 1º e 2º curso foron disfrazados de
" Las Meninas" e de Velazquez.
Os alumnos/as de 3º e 4º curso fixeron un autorretrato.
Os nenos/as de 5º curso foron de personaxes de cadros de Picasso.
E, por último, os nenos/as de 6º curso cos seus traxes e vestidos parecían saídos dun cadro de Monet.
Despois do desfile cada curso acudíu a súa clase para degustar os doces típicos do entroido, traídos polas familias.
Por último, como é habitual, colocouse o Meco no patio, que neste curso foi un marco baleiro. Reflexionamos moito e, como non atopamos indicios de culpabilidade e temos moitos cadros que enmarcar, pensamos que o imos ter que indultar; de este xeito, serviranos para ir expoñendo cada semana os cadros que se van realizando nas aulas.
Comezado o entroido no colexio imos continualo na rúa.
Pasádeo moi ben!!
Comezado o entroido no colexio imos continualo na rúa.
Pasádeo moi ben!!
domingo, 17 de febrero de 2013
Celebramos o Entroido
ENTROIDO NO RIA
O venres, día 15, celebramos no colexio o ENTROIDO.
Este curso, como todos/as sabedes, o proxecto que estamos a desenvolver dende a BiblioRía, titúlase " LENDO O MUNDO CON TINTÍN".
Deste xeito, no entroido, decidimos acompañar a Tintín nos seus viaxes polos distintos países.
Os nenos/as de 3º,4º e 5º de Educación Infantil viaxaron polo Congo.
Os nenos/as de 1º e 2º cursos viaxaron a Lúa.
Os nenos/as de 3º curso descubriron o mundo dos faraóns, viaxando polo Egipto.
Os nenos/as de 4º curso coñeceron a cultura China.
Os nenos/as de 5º curso volaron cara a Sydney e
os nenos/as de 6º curso meditaron no Tibet.
Ademais de ter un Tintín en cada aula, tivemos uns cantos Capitáns HADDOCK e un profesor Tornasol.
Todos os nenos/as desfilaron pola pasarela.
Colocouse o MECO no patio e , despois de ler o manifesto, decidimos queimalo, porque este curso o MECO era a INXUSTIZA e todos/as estivemos de acordo en que non a queríamos nas nosas vidas.
Para rematar a xornada, disfrutamos da gastronomía do entroido, comendo doces típicos destas datas, feitos polas familias dos nenos/as.
Premede no enlace de abaixo e poderedes ver todas as fotos
martes, 6 de marzo de 2012
Un Entroido moi marítimo
Como ben sabedes, o proxecto deste ano leva por título "Suban a bordo, lean e naveguen"; cada unha das aulas do colexio escolleu un barco para traballar e, no Entroido deste curso, puidemos ver aos tripulantes destes barcos.
Así, piratas, vikingos, mariñeiros, pasaxeiros e un longo etc. de personaxes, inundaron a escola durante a xornada do 17 de febreiro.
6º Primaria: Pasaxeiros do barco
Para ver a totalidade das imaxes, podedes visitar o apartado de Galerías da nosa páxina web. Aquí vos deixamos a ligazón ao álbum:
Por outro lado, queremos destacar os escritos realizados polo alumnado de 3º curso: O Testamento e O Xuízo do Meco escritos por eles.
Aquí os recollemos:
TESTAMENTO DO MECO
Eu, que son un iceberg,
na fogueira me derritirei.
Tendo en conta o pouco tempo que queda,
deixo testemuña para quen ler queira.
Os nenos e nenas de 6º fixeron un almanaque,
nel fan o compromiso despois de ter debate,
de que o mar é moi importante.
Como iceberg que son do voso mar estre Cíes e Canido,
derrítome por vós, nenos e nenas do Ría de Vigo.
Tanto barco que puxestes no voso mar,
piratas, vikingos, cargueiros,... submariños e ata o barco de remolcar.
O Titanic en canto bateu comigo,
traspasou o tempo e o espazo para afundirse na Ría de Vigo.
Con eles fixestes actividades,
puxésteslle estrelas en navidades.
Polo día da Paz,
o mundo no medio do voso mar.
E agora que é Entroido,
co lume éntrame o agobio.
Despois de andar pola escola
paréime en cada porta,
cada clase tiña un barco
e a súa foto dentro dun marco.
Deixóume abraiado a BiblioRía,
con tanto libro de barcos en cada estantería.
Libros alucinantes, con piratas e pobos errantes,
de vikingos e xentes elegantes.
Conversas recollidas da xente da nosa Ría,
coas encargadas da BiblioRía non hai tristura, hai alegría.
Son simpáticas e valentes,
non teñen medo e se lle caen os dentes.
Déixovos, en definitiva, unha morea de experiencias...
de mares, de barcos, de viaxes acompañadas de moi boas ocorrencias.
Agora que se empezan a notar as consecuencias do cambio climático
con tanta falta de choiva e frío... xa me entra pánico.
O mesmo pasou o día que contra o Titanic batín,
eu podía estar fóra de sitio pero o barco tamén ía a todo filispín.
Noto que perdo forza..., cada vez estou máis apoucado,
váiseme a vida... non estou sólido... xa paso de líquido. ESTOU ESMIRRIADO.
Recibide unha aperta como quen acariña un libro, coa suavidade da miña branca inmensidade e recendo ao ar do mar.
XUÍZO DO MECO
Unha vez escoitado o testamento con moita atención,
nós, o alumnado e profesorado do colexio, chegamos á seguinte conclusión:
Sorprendéunos de bo grao que faga unha alusión ao noso calendario,
debe ser porque lle gusta saber o que facemos na escola a diario.
Postos a pensar con detemento chegamos á conclusión
que contra el, non podemos probar ninguna acusación.
Temos que recoñecer a temeridade do capitán do barco,
sabía da súa presenza e ía navegando como si estivera nun charco.
Do seu desprendemento en algo seremos culpables,
inda que o do cambio climático é máis moderno por ser os humanos moi pouco responsables.
Queremos seguir disfrutando da súa existencia, testemuña do equilibrio ambiental,
razón que nos leva a que, sen ningunha dúbida, declaremos a súa absolución total.
LONGA VIDA AOS ICEBERGS, O NOSO MECO!!!
VIVA O ENTROIDO!!!
viernes, 4 de marzo de 2011
Festa de Entroido 2011
Hoxe, 4 de marzo de 2011, celebramos a Festa de Entroido no noso colexio.
Como ben sabedes, o noso trasno Landro foi dando as ordes durante toda a semana e nos indicou que tiñamos que traer á escola cada día; para hoxe venres, a orde dicía que tiñamos que vir como queiramos e así o fixemos.
Foi unha xornada moi divertida!!! Puidemos disfrutar dos nosos compañeiros e compañeiras así como degustar un saboroso chocolate grazas ás cociñeiras do cole.
O protagonista destas Festas Entroido podemos dicir sen dúbida algunha que foi o noso Landro, o trasno que anda a argallar as actividades da BiblioRía xunto con Gaspar.
Hoxe, os nenos e nenas de 6º curso deron lectura ao xuízo do meco... non sen antes escoitar o testamento de Landro...
Testamento do Meco
Eu, que non son nada pailán, ben o sei,
nomearonme Meco e á fogueira irei.
Tendo en conta o pouco tempo que falta,
deixo en testamento o que a continuación se relata.
Os nenos e nenas de 6º fixeron un calendario,
nel fan un compromiso de respecto polo lugar onde vivo a diario
Como trasno que son do monte de Saiáns e San Miguel,
déixovolos a vós, os nenos e nenas do Ría de Vigo, para que disfrutedes moito del.
Tiña pensado transplantar os carballos do Horto Escolar,
non me vai dar tempo, polo tanto buscade onde facelo noutro lugar.
No meu trono, unha papeleira fai de pedestal
partires de agora, sempre que vaiades ao monte, levádea convosco e facede dela un uso
responsable e normal.
Tiña no monte moitas plantas silvestres que plantar,
plantádeas vós xa que moitos animais con elas se poden alimentar.
Para casos de incendio, déixovos un extintor,
xa se sabe o que pasa no monte os días de moita calor.
Deixovos, en definitiva, uns montes cheos de vida…. auga, animais, árbores, plantas… Para vós son!
Amádeos, respectádeos… disfrutade de montes e bosques con toda ilusión.
Por último, lembrade! Baixei do monte ao voso cole sabedor de que na vosa
BiblioRía os bosques estabades traballar.
A miña intención era axudar.
Irei ao lume pero sabede que,
como trasno que son, en calquera momento podo voltar.
Recibide unha aperta como quen acariña un libro,
con sabor a landras e recendo ao ar do mar.
Xuizo do Meco
Unha vez escoitado o testamento con moita atención,
nós, alumnado e profesorado do colexio, chegamos á seguinte conclusión:
Sorprendeunos de bo grado que faga unha alusión ao noso calendario,
debe ser porque lle gusta saber o que facemos na escola a diario.
Postos a pensar con detenemento chegamos á conclusión
que contra el, non podemos probar ningunha acusación.
Máis ben todo o contrario:
Agradecer todo o que leva feito polos nosos montes en solitario.
Queremos seguir disfrutando da súa grata compaña e emoción,
razón que nos leva a que, sen ningunha dúbida, declaremos a súa absolución.
LONGA VIDA A LANDRO, O NOSO MECO!!!
VIVA O ENTROIDO!!!!
Xa podedes acceder a toda a información sobre esta xornada dende a nosa páxina web. Aquí vos deixamos as ligazóns; premede en cada unha delas para ver o resumo da Festa ou as Imaxes... ATA A PRÓXIMA!!!
- Resumo da Festa de Entroido:
- Imaxes da Festa de Entroido:
jueves, 3 de marzo de 2011
A orde do meco para o VENRES
PARA O VENRES,
DADO QUE NO SE ME VEN Á CABEZA
NINGUNHA OCURRENCIA,
QUE CADA QUEN VEÑA DISFRAZADO
SEGÚN A SÚA PROPIA PETENCIA.
miércoles, 2 de marzo de 2011
martes, 1 de marzo de 2011
A orde do meco para o MÉRCORES
O MÉRCORES, SE NON QUERES
QUE CUNHA RAMA DE CARBALLO CHE BATA
DE AVOA CON PAÑOLETA,
OU DE AVÓ CON GARAVATA.
lunes, 28 de febrero de 2011
A orde do meco para o MARTES
Aquí está o noso meco: un gran bosque onde anda agachado Landro e onde, cada día, aparece unha nova orde...
...aquí está a de mañá martes.
UN MERLO NO LOUREIRO DINOS:
NON SEXAS ZASCANDIL
E O MARTES
TRAE POSTO UN MANDIL
sábado, 26 de febrero de 2011
CHEGA O ENTROIDO: as ordes do Meco
CHEGA O ENTROIDO e, coma sempre, o meco presente na escola nos di cales son as ordes que temos que cumprir día a día.
Así, este venres, o alumnado de 6º de primaria pasou polas aulas para lembrar ao resto de alumnos e alumnas a norma que teñen que cumprir o luns.
No porche do colexio está presente o meco (non sabemos ben que fai, pero LANDRO algo anda argallando e en breves o amosaremos) e, cada día, aparecerá neste blogue a orde que temos que cumprir para o día seguinte, así que estade moi atentos e atentas!!!
.........................................
DURANTE TODA A SEMANA, PARA IR PREPARANDO O TEU DISFRAZ, ESTAS COUSIÑAS TES QUE TRAER
SE AO MECO NON QUERES VER ARDER
..........
NO BOSQUE XA CHEGA A PRIMAVERA E O LUNS
LANDRO MANDA TRAER UNHA FLOR CALQUERA
Suscribirse a:
Entradas (Atom)