Ao longo desta semana cada unha das aulas do centro decorou unha peza deste gran quebracabezas que conforma o noso propio camiño cara a paz, coroado coa lendaria frase de Gandhi.
Ademais, os nenos/as de 1º deleitáronnos con este fermoso recital sobre as apertas, do libro-CD "A nena e o grilo" de Maxín Branco, e cun poema de "cantarola dos nenos" de Xosé Neira Vilas, ambos recollidos no seguinte vídeo.
Bo día da Paz!
Familias, este curso, por mor do covid19 a vosa participación no centro viuse moi reducida, tendo en conta que a vosa asistencia á biblioteca non é posible decidimos crear un pequeno espazo para poder achegarvos o recuncho "lendo espero" ao que antes tiñades libre acceso. Para isto, temos un novo correo no que poderedes solicitar préstamos de libros para adultos, de momento, a listaxe non é moi ampla pero seguirá medrando segundo a vosa demanda. O novo correo para realizar préstamos de literatura para adultos é o seguinte:
prestamos.biblioria@gmail.com
No código QR podedes ver o listado de libros que vos ofrecemos. O proceso é moi sinxelo, para solicitar algún libro, so tedes que enviar un correo electrónico a esta dirección na que sinaledes os seguintes datos:
ASUNTO: Nome, primeiro apelido e curso do voso fillo/a.
CORPO: Nome da persoa destinataria do libro + título do mesmo.
E os venres de cada semana farémosvos chegar os libros, podendo permanecer na vosa casa ata un máximo dun mes. O código QR permanecerá no lateral do blog para facilitar o acceso ao mesmo onde se irán incorporando as actualizacións do listado.
Esperamos esta nova ferramenta vos sexa de utilidade.
Animámosvos a participar.
Non hai mellor forma de fomentar a lectura que sendo un bo exemplo.
Trala inauguración da BiblioRía comezamos a investigar sobre a temática do PDI deste curso, cuxo lema é "Sentidiño no Camiño". Para acadar as nosas pesquisas sobre o Camiño de Santiago contamos coa axuda privilexiada de Gaspar! Durante este trimestre enviounos dúas cartas as aulas, que nos leron os bibliotequeir@s, motivando as nosas investigacións.
Aquí vos deixamos as cartas de Gaspar e algún dos nosos traballos do trimestre.
Nenos/as de 4º na procura de información pola biblioría:
Continuamos...
Aquí vos deixamos o tríptico coas recomendacións lectoras para o Nadal.
Onte, como cada 25 de novembro, celebramos o "Día Internacional contra a Violencia de Xénero", e no colexio non quixemos deixar pasar un día tan sinalado sen facer fincapé na importancia da concienciación e sensibilización do noso alumnado ante tal problema, dando visibilidade aos distintos tipos de violencia que sofren milleiros de mulleres de todo o mundo. O rexeitamento de dita situación foi plasmada polo noso alumnado de primaria a través dunha serie de carteis de elaboración propia que pegaron nos chanzos das escadas do colexio.
O alumnado de 6º de Educación Infantil tamén quixo participar na visibilización a través das súas gafas violetas contra a violencia de xénero!
Como cada curso, o alumnado de 6º de primaria pode optar voluntariamoente a un traballo non remunerado no colexio, que precisa de certa dispoñibilidade e desfrute, axudando e colaborando en diferentes tarefas na biblioría.
Estes son os Bibliotequeir@s do curso 2020-2021!
Xa teñen preparadas as súas chapas e están listos para colaborar ;-)
Benvidos a BiblioRía!!!
A semana pasada demos a coñecer o noso proxecto integral de centro, "Sentidiño no Camiño", aquí vos deixamos un resumo da inauguración da BiblioRía que celebramos o luns 26, para que poidades ver o ben que o pasamos.
Podedes ver aquí a introdución ao novo proxecto que fixemos coa colaboración de Luís do Freixo.
Gustaríanos facer un especial apunte de agradecemento a:
Inauguramos a BiblioRía!
Como xa sabedes, atopámonos ante un curso cheo de cambios para crear un entorno o máis seguro posible, e a biblioteca non está exenta destas pequenas pero importantes modificacións, por iso antes de facer uso da mesma, debemos coñecer unha serie de novas normas que estarán presentes nas entradas para poder consultalas sempre que precisemos. Son as seguintes:
Aquí nolas explican de marabilla os nosos Bibliotequeir@s
xunto coa organización da mesma.
Esperamos que vos guste!
