COMEZO DAS ACTIVIDADES CURSO 2010/2011

26 de OUTUBRO do 2010

Inicio das actividades na nosa BiblioRía

O pasado martes, 26 de outubro de 2010, inauguramos un novo curso escolar na nosa BiblioRía.

Os nenos/as do colexio e os mestres e mestras pasaron por este espazo e puideron descubrir algunhas das novas presentes na biblioteca durante este curso escolar, así coma recibir un agasallo que Gaspar lles tiña preparado.

Como xa sabedes, este ano 2011 foi escollido pola Asamblea Xeral das Nacións Unidas como "O Ano Internacional dos Bosques". Dende a BiblioRía, cumprindo coa nosa función de dinamizar o centro, queremos traballar e formar parte deste proxecto durante este presente curso escolar, polo que moitas serán as actividades a desenvolver por todas as aulas: investigacións, coñecementos, descubrimentos, boas prácticas... terán unha forte presenza durante o curso escolar 2010/2011. Xunt@s descubriremos "OS TESOUROS DO BOSQUE".

A mañá comezou cunha gran sorpresa para o alumnado: as dúas portas de entrada da BiblioRía estaban decoradas cunhas cortinas de follas; estas follas representaban algunhas das árbores do noso centro (cada aula escolleu unha árbore das presentes no colexio)

A continuación, observaron a nova decoración da biblio, a cantidade de libros dos estantes, saludaron a Gaspar e visualizaron o vídeo proxectado durante a Inauguración do ano pasado.

Para rematar a visita, que mellor que un agasallo para o alumnado e o profesorado. Gaspar tiña preparadas unhas boísimas gominolas para os nenos e nenas, e o profesorado recibiu un broche alusivo ao tema dos bosques, elaborado polas mestras Ángeles, Begoña e Paula.

Por outra banda, fíxose entrega ao alumnado de educación infantil dunhas mochilas que substitúen aos cartafois utilizados ata o momento para o préstamo de libros... e que a mestra Emma non dubidou en poñerse.

Unha xornada moi divertida e cargada de novas para todos e todas. En breves, moitas máis sorpresas aparecerán polo colexio así que estade moi atentos/as!!!

A MIÑA INAUGURACIÓN

POR FIN CHEGOU A...

INAUGURACIÓN

DA

 iblio ía

 

 

23 de ABRIL do 2010

Por fin chegou o esperado 23 de Abril, o "Día do Libro", pero tamén unha data moi especial... Sabedes cal é o motivo???... Pois porque celebramos A INAUGURACIÓN DA NOSA BIBLIOTECA!!!

Aquí vos deixamos un dos carteis colocados no exterior das súas portas. Dende aquí, felicitamos ao Equipo de Biblioteca pola súa labor INCANSABLE durante estes dous últimos anos.

Durante toda a semana, ultimamos os detalles para que a "Biblio" do cole estivera "a punto" para a súa inauguración e, a verdade, e que o resultado foi excelente. Disfrutamos dunha xornada de emocións, festa, alegría e, sobre todo, de difusión e amor pola lectura.

Para comezar o día, un baile nunca ben mal!!!... polo que, os nenos e nenas do cole, e tamén os mestres e as mestras, bailamos e cantamos ao ritmo dunha coñecida canción "customizada" para o Día do Libro... Aquí vos deixamos a versión americana que nos inspirou, atopada pola mestra Begoña no Youtube.

Despois de mover un pouco o corpo, subimos a Biblioteca para levar a cabo a inauguración oficial da nosa BiblioRía.

Un neno e unha nena de cada aula foron os representantes do alumnado do centro; recibimos tamén a presenza doutras persoas moi importantes durante todo este longo proceso de transformación. Alí estaba o Equipo de Biblioteca ao completo: a súa coordinadora Marina, as súas compoñentes e mestras que pertenceron ao Equipo e que xa non están no cole (María) ou están xubiladas (Pilar, Charo e Isabel).

Como non, non podería faltar o Asesor do Cefore que nos axudou durante a realización do Grupo de Traballo (Manuel Huerta) e as docentes que nos formaron (Rocío e máis Montse-mestras do Ceip. O Pombal).

Por alí, tamén estaba a asesora de bibliotecas escolares de Galicia (Pilar), o noso inspector (Emilio Bonome) e dúas representantes da nosa ANPA.

Chegou o momento de entrar na BiblioRía, pero antes temos que cortar a cinta, como en todas as inauguracións. Un alumno de 6º curso e unha nena de 3 anos son os protagonistas do momento; Laura e Miguel Garza fan os honores... menuda emoción!!!

Xa podemos entrar. A música do canon de Pachelbel acompaña aos asistentes mentras admiran a gran transformación que sufríu no que, nun principio, eran dúas aulas unidas por tirar un tabique e, agora, unha gran e fermosa biblioteca escolar.

É o turno de Miguel e Diana, que dan a Benvida aos alí presentes e len un fermoso texto, elaborado pola nosa Orientadora Marilú.

Tócalle agora o turno a Marina, a coordinadora do Equipo de Biblioteca, que dedica unhas bonitas e emocionadas palabras de agradecemento a todas aquelas persoas que participaron en toda esta labor. Dende a nosa páxina web, tamén queremos decirlle a ela: MOITAS GRAZAS MARINA!!!. A ti e máis a todo o Equipo de Biblioteca!!!

Para pechar o acto, nada mellor que un vídeo-resumo do que foron estes dous anos de traballo (Grazas a Carlos Encisa pola súa producción) e as correspondentes sinaturas e comentarios no noso Caderno de Bitácora no que xa estaba a reflexión de Gaspar...



Posteriormente, todo o alumnado do centro puido pasar pola BiblioRía e recoller o seu agasallo. Moitas sorpresas nos agardan a partires de agora; dende aquí, estaredes informados de todas as novas e, por suposto, GRAZAS A TODOS OS ASISTENTES POR VIVIR CON NÓS UNHA XORNADA TAN IMPORTANTE PARA O NOSO COLEXIO... ATA A PRÓXIMA.

A MIÑA HISTORIA

ÉRASE UNHA VEZ...

A historia da nosa mascota, empeza como un dos que podemos ler nas bibliotecas e di así: "Érase unha vez, unha misteriosa carta que chegou a todas as aulas do cole Ría de Vigo no mes de novembro..." agora, seguide a historia e poderedes ir descubrindo, pouco a pouco, o seu desenlace...

"... esta carta a escribira un golfiño que dicía ter nome de Rei Mago e vir pasar as noites á nosa biblioteca, queixándose de que era pequena. Ademais, non contento con isto, pediunos que o debuxásemos segundo imaxinabámolo"

Os nenos e nenas do cole, fixemos o que o golfiño pedía na carta e, o resultado, foi moi divertido. O equipo da biblioteca seleccionou todos estes debuxos colgados no Porche do noso cole"

"¡Xa sabemos como se chama a nosa mascota!: GASPAR é o seu nome. Recollemos pois un montón de noticias da prensa que falaban de Gaspar e así soubemos unha chea de datos como os seguintes:

- Chegou ás nosas costas dende a Bretaña Francesa
- Vírono, por primeira vez, un día de Reis e por iso lle puxeron o nome de Gaspar.
- É moi sociable.
- Non se lle pode tocar nin dar comida

... ademais, aproveitamos para localizar nun mapa de Galicia, os portos que Gaspar foi visitando"

Despois de todo isto, decidimos que GASPAR  fora a MASCOTA da nosa BIBLIOTECA!... BENVIDO AO NOSO COLE"

"Pero a historia non remata aquí... todavía queda por coñecer ao noso gañador ou gañadora do debuxo, polo que estade moi atentos e prestade moita atención xa que, dentro de moi pouquiño, coñeceremos o desenlace desta historia"

O DESENLACE...

"Chegou o día... o gañador é... o debuxo de LUIS, un neno de 6º... mirade que ben está. A partires de hoxe, este golfiño formará parte do noso cole e, por suposto DA NOSA BIBLIOTECA. E, como rematan os contos, COLORÍN COLORADO, ESTE CONTO ESTÁ REMATADO"

ONDE ESTOU???

A BiblioRía está situada no segundo andar do colexio. Durante o curso 2008/2009, levouse a cabo unha intensa labor de reforma e moito traballo que culminou coa entrada no Plan de Mellora de Bibliotecas Escolares e a incorporación na Rede de Bibliotecas Escolares de Galicia.

A nosa BiblioRía conta cun amplo e luminoso espazo cada día máis renovado e acondicionado.

BENVID@S AO BLOGUE DA BIBLIORÍA

Hola a todos e todas!!!

Son Gaspar, a mascota da biblioteca do CEIP. Ría de Vigo, a BiblioRía.

A partires de hoxe, poderedes descubrir nesta plataforma da rede todas as novas relativas ao meu fogar, todo o que acontece tanto dentro como fóra das portas da BiblioRía.

Esperamos os vosos comentarios así que Benvid@s e ADIANTE!!!