Proxecto BUBISHER

No mes de decembro do ano pasado, explicabamos neste blog que era iso do "Bubisher":

(O proxecto BUBISHER é un ambicioso proxecto. De momento está formado por dous bibliobuses que se moven polo deserto cheos de libros, para que os nenos e nenas do SAHARA poidan ler, aprender e disfrutar coa lectura. Para que isto poida ser unha realidade, moitas personas; escritores, persoeiros, políticos,entidades de todo tipo,... e nen@s de moitos lugares colaboran, uns desde o mesmo deserto participando directamente e outros desde os seus lugares de orixen, aportando libros e dotacións económicas que fan viable este proxecto.

Baixo o lema "COÑECERNOS PARA QUERERNOS" un grupo de BIBLIOTECAS ESCOLARES DE FERROLTERRA, entre as que está a nosa, e coordinados polo escritor GONZALO MOURE, estamos unidos para colaborar coas escolas dos campamentos de refuxiados saharauis. Nos vindeiros días imos enviarlles desde o noso colexio diverso material escolar solicitado, un ÁLBUM ILUSTRADO (mándase un por cada colexio participante,... en Galicia xa somos moitos) . O álbum que enviaremos leva por título NUEVOS COLORES do escritor FRAN NUÑO e irá acompañado dunha presentación do noso colexio realizado fundamentalmente desde o CLUB DE LECTURA. No segundo trimestre colaborará máis alumnado do centro pois elaboraremos un traballo para enviarlles sobre as FESTAS TRADICIONAIS E POPULARES EN PONTEDEUME..., e algunha sorpresa máis...)

Grazas a este fantástico proxecto, moitos nenos e nenas poden desfrutar da lectura tanto coma nós. Grazas a nosa colaboración, recibimos o diploma que encabeza esta entrada do blog e do que estamos moi orgullosos e orgullosas.

NORABOA POR ESTA MARAVILLOSA INICIATIVA!!!