UN LIBRO SEMPRE, TAMÉN NO NADAL

Como cada curso, dende a biblioteca do colexio, enviouse unha felicitación navideña pedindo aos pais e nais que nas cartas aos Reis ou Papa Noel vaian dous libros para o colexio, un en castelán e outro en galego.

Empezarán  a ler estes libros de xeito colectivo na "Hora de Ler".

 FELICES FESTAS DE PARTE DE TODO O EQUIPO DE BIBLIOTECA!!
 facendo clic abaixo podedes ver a relación de libros.

ESTE NADAL, O MELLOR AGASALLO.....

A semana pasada, cada neno e nena levou para a súa casa o debuxo dunha caixa en papel para decorar ó seu gusto. Despois, no colexio, puxéronlle unha tarxetiña á caixa cun desexo de emocións para o Nadal: ledicia, amor, sorpresa, felicidade...etc.
 Como podedes ver xurdiron unha chea de emocións que se colocaron no porche do colexio.

Mirade as fotos!

UN NADAL CHEO DE EMOCIÓNS

Aproveitando o proxecto deste curso " Emociónate coa lectura", os nenos e nenas de 5º curso encheron a parede do corredor, ao carón da súa aula, de desexos para o Nadal, cheos de emocións,

 Mirade as fotos!!

A MALETA VIAXEIRA CHEGOU ÁS AULAS

Esta semana chegou ás aulas  a MALETA DE GASPAR, coa que viaxa por todos os lugares do mundo.

 Dentro da maleta atopamos moitas sorpresas.
Unha carta na que Gaspar nos contou moitas cousas: onde estaban situados na biblioteca os libros relacionados co proxecto deste curso 
"Emociónate coa lectura", actividades moi divertidas para traballar a  identificación de emocións en nós mesmos e nos demais

 e un libro moi interesante: para os máis pequenos " O montruo de colores " e para os maiores " El emocionario".
EMPEZAMOS XA O PROXECTO DESTE CURSO!!E TODOS E TODAS IMOS  EMOCIONARNOS MOITO COA LECTURA!!! 

PREMIO CERVANTES 2015

O Premio Cervantes é o Premio Nobel de las letras hispánicas. Os candidatos son presentados polo pleno de la Real Academia Española e polas Academias dos países hispanos e os premiados en anos anteriores.  Este ano foi adxudicado ao narrador e ensayista  mexicano  Fernando Del Paso, de 80 anos.  Se queredes máis información premede no enlace de abaixo. http://elpais.com/tag/premio_cervantes/a/ 

NOVEMBRO, MES DA CIENCIA EN GALEGO NAS BIBLIOTECAS

Por segundo ano consecutivo, desde a Consellería de Cultura, Educación e Ordenación Universitaria promóvose a celebración de novembro como  MES DA CIENCIA EN GALEGO NAS BIBLIOTECAS, sumándose á celebración doutras iniciativas como o Día da Ciencia en Galicia, da Real Academia Galega de Ciencias, celebrado o pasado 1 de xuño e dedicado á oceanógrafa galega Ánxeles Alvariño, ou o Día da Ciencia en Galego, a celebrar o 4 de novembro, a instancia da Institución Galega de Ciencia entre outras institucións. 

Desde a consellería editouse, tamén, un FOLLETO INFORMATIVO con informacións diversas sobre a celebración deste Mes da Ciencia en Galego nas Bibliotecas, recollendo a programación das bibliotecas públicas.

Podedes ver toda a información premendo no  enlace de abaixo. En Vigo, coma sempre, as actividades desenvólvense na biblioteca pública " Juan Companel". Tedes tamén a infromación na corcheira do "Recanto de lectura" e nas dúas  corcheiras da biblioteca.

http://www.edu.xunta.es/biblioteca/blog/ 

OS AXUDANTES DE BIBLIOTECA DE 6º CURSO COMEZAN O SEU TRABALLO

Os axudantes de 6º curso comezaron a semana pasada o seu traballo!

Cada día hai grupos de 4 ou 5 nenos nos recreos, supervisados sempre por pola mestra que lle toque ese día. 
Para que non se esquezan das súas obrigas cada un ten a súa" Guía de axudantes" onde veñen explicadiñas as súas funcións.

A semana pasada fixeron un gran traballo!!
Noraboa chicos e chicas!!   Seguide así! 
Aquí van as fotos! ( se tedes algun problema para miralas aconsellamos que cambiedes de explorador).

INAUGURACIÓN DUN NOVO CURSO NA BIBLIORÍA

 

Hoxe celebramos o "Día das Bibliotecas escolares", que foi o sábado 24.  Fixémolo, como sempre, coa apertura da biblioteca.

Dende as 9:30 ata as 13:45 os nenos e nenas foron baixando á biblioRía por cursos.

Primeiro tocoulles aos nenos/as de Infantil; despois aos de 1º e 2º e antes do recreo aos de 3º e 4º. 

Despois do recreo acudiron a biblioteca os alumnos e alumnas de 5º e 6º. 

O acto dividiuse en dúas partes:
 Na primeira, Gaspar apareceu nadando na pantalla dixital e lembrounos as normas da biblioRía. 

A segunda parte centrouse no proxecto que imos desenvolver este curso. Gaspar preguntou sobre o encargo que nos fixo fai uns días de mirar as cariñas que están nos corredores e colocalas ben. Fomos mirando na pizarra as cariñas e comprobamos que todos os nenos e nenas traballaron moito porque  recoñeceron as emocións de todas as caras.

Coa actividade das cariñas, todos os nenos/as descubriron cal vai ser o tema do proxecto deste curso: AS EMOCIÓNS, co  lema 
" EMOCIÓNATE COA LECTURA" .

Despois os nenos/as de infantil, 1º e 2º cursos miraron un vídeo de emocións moi bonito, sobre o conto " El monstruo de colores". Os alumnos/as de 3º,4º,5º e 6º miraron outro vídeo con varias emocións presentes en distintos personaxes de debuxos animados e películas.

A última hora baixou o neno ou nena de cada curso  que levará a mochila viaxeira este xoves. Os afortunados/as en levala primeiro serán: Alba de 3 anos, Samuel de 4 anos, Isaac de 5 anos, Zoe de 1º curso, Hugo de 2º, Brián de 3º, Uxía de 4º, Fran de 5º e Antonio de 6º.

E, para rematar, despedímonos cun agasallo de gominola para cada neno/a e un agasallo tamén para os mestres/as.

Disfrutamos dunha xornada moi especial e moi emotiva.
Non vos perdades a seguinte entrada no blogue porque aparecerán os encargados de biblioteca, que comezan o seu traballo nos recreos.

Aquí tedes os vídeos e a reportaxe gráfica.

INAUGURACIÓN DA BIBLIORÍA on PhotoPeach

GASPAR INFORMA

 Ola a todos e todas !!

Empezamos un novo curso cheo de sorpresas, actividades, visitas...etc na nosa biblioteca.

A primeira sorpresa foi a chegada de Gaspar  ás aulas cunha carta moi interesante. 

Os nenos e nenas apresuráronse a facer a actividade que lles pedíu Gaspar! Acompañados polo seu titor/a estiveron polos corredores observando as cariñas  e colocándoas correctamente.

Qué actividade máis complicada!!!! sobre todo para os nenos/as de Infantil, mais souperon facela todos/as moi, moi ben.

Xa tedes moitas pistas para adiviñar o tema deste curso!
De todos os xeitos, o día 26 farase un acto de reapertura da bibliteca e desvelarase o misterio sobre o tema que imos traballar durante todo o curso.

 Non vos perdades a reportaxe gráfica desta actividade de motivación!

DESPEDIMOS O CURSO

E ATA AQUÍ CHEGOU O CURSO......!!! E CON ÉL O PROXECTO 
" LENDO COA ARTE QUE NOS RODEA".

MOITAS GRAZAS A  TODA A COMUNIDADE EDUCATIVA !!

E ATA PRONTO!

VOLVEREMOS O PRÓXIMO CURSO CUN PROXECTO NOVO! PREPARÁDEVOS PARA NOVAS SORPRESAS!

DESPEDIMOS AOS AXUDANTES DE BIBLIOTECA

O martes, día 16, despedimos aos axudantes de biblioteca de 6º.

Fixeron unha gran labor durante todo o curso: colocando libros, axudando aos máis pequenos...etc e sempre cun sorriso.

Deste xeito, quixemos facerlles unha festa na biblioteca con comida e baile. Despois entregámoslle un diploma personalizado, o distintivo que levaron durante todo o curso e un  bolso bandolera para para meter as súas cousas.

Moitas grazas polo voso traballo chicos e chicas e moita sorte coa nova etapa que comezades!
 Sodes xa uns auténticos bibliotecarios!

Aquí tedes as fotos!!

FESTIVAL CULTURAL DE FIN DE CURSO CHEO DE ARTE

O mércores e o xoves tivemos no colexio o
 FESTIVAL CULTURAL DE FIN DE CURSO.

A maioría  das actuacións estiveron relacionadas co proxecto deste curso 
" Lendo coa arte que nos rodea".

O mércores 17, as 10:30 comezamos coas actuacións dos nenos/as de 3, 4 e 5 anos que recitaron unha poesía titulada " A poesía da prehistoria".

A continuación os nenos/as de 3 anos bailaron " El pequeño Gugú".

E remataron as actuacións de Infantil coa poesía con linguaxe de signos : " Soy el hombre Cromañón".

Despois pasamos as actuacións de Primaria comenzando co vídeo " Os castrexos" e o baile " El rock de los castrexos".

A continuación actuaron os alumnos de 2º curso explicándonos moita cousas sobre Roma e despois fixeron un baile.

Os nenos/as de 3º representaron a obra de teatro " Catavento e Cía"

Por último, tivo lugar a Graduación dos nenos de 5 anos, que pasan a etapa de primaria.

Nesta xornada houbo varias sorpresas. Como xa sabedes a profe Paula non estará para o curso próximo no colexio e os pais e nais déronlle uns agasallos para agradecerlle todos os anos dedicados no colexio.
 Imos botarlla moito de menos!!

  Tamén houbo uns agasallo para a profe Tere que remata cos nenos/as esta etapa tan bonita e para unha nai, que axudou aos nenos de 4 anos na actuación coa linguaxe de signos. 
O xoves  empezamos as actuacións ás 10:30 co teatro do 4º curso titulado: " Requeteconquista", despois pasamos a obra de teatro de sombras: "Mans a obra" e, por último, a actuación dos maiores do colexio, que fixeron de turistas en " Camiñando por Vigo" eremataron cun baile.
Por último, para rematar o festival, como cada curso, tivemos a graduación dos nosos nenos/as de 6º.
Foi moi emotiva porque sempre é moi difícil  despedirse dos nenos/as que levan tanto tempo no colexio.
 Recibiron un agasallo de Suso, o seu titor, que lles fixo unha fotorevista que recolle os mellores momentos da súa etata no Ría de Vigo. 
Ademais os nenos/as fixeron un detalle personalizado para cada un dos mestres/as que lles deu clase.
Por parte da ANPA houbo agasallos para todos/as. Para os nenos/as, para a mestra Begoña por acompañalos na excursión e, por suposto, para o seu titor Suso, que os acompañou durante dous cursos. 
Temos que dicir dende a Biblioteca que foron uns axudantes estupendos!!
Imos botar moito de menos a estes nenos e nenas tan especiales!!!
Aquí tedes unha pequena reportaxe gráfica. Na páxina web do colexio e no blogue da Anpa atoparedes moitas máis fotos. 

EXPOSICIÓN DE TODOS OS TRABALLOS CHEOS DE ARTE

No mes de xuño cada curso foi baixando ao porche e colocando na liña do tempo as producións artísticas: esculturas, arquitectura, restos arqueolóxicos.... nunha serie de mesas dispostas seguindo a liña do tempo.

Ademais colocamos unha mesa para a literatura que xurdíu deste proxecto: caderniños e Contos de arte e unha pizarra magnética onde colocamos unha serie de montaxes das fotos das conmemoracións cheas de arte: día da prensa,entroido...etc

Lembrade que Infantil e 1º curso traballaron a prehistoria, 2º curso dedicouse a época romana, 3º curso a época medieval, 4º a etapa moderna e 5º e 6º a etapa contemporánea.

Noraboa por todo o traballo feito!!
Mirade as fotos!

SAÍMOS NA PRENSA !!!!

Este curso con motivo do proxecto " A ARTE QUE NOS RODEA" tivemos moitas saídas pola cidade para observar atentamente a nosa arte: escultura e arquitectura. Algunhas destas saídas fixémolas cunhas guías estupendas especializadas no tema. Estas guías encargáronse de divulgar o noso proxecto na prensa; deste xeito saímos en varios xornais: Vigo al minuto, Faro de Vigo e Atlántico Diario.

Salvo na primeira imaxe, que non temos o enlace, o resto podedes miralo premendo debaixo da foto.

VISITA DE 5º E 6º PUBLICADA POLO  ATLÁNTICO DIARIO

VISITA  DE 3º E 4º CURSOS PUBLICADA POR VIGO AL MINUTO







 








VISITA DE 3º E 4º CURSOS PUBLICADA POLO ATLÁNTICO DIARIO

VISITA DE 3º E 4º PUBLICADA POLO FARO DE VIGO

VISITA Á VILLA ROMANA DE TORALLA

 O xoves, día 11 de xuño, os alumnos/as de 2º e 3º cursos, unha vez máis, con motivo do proxecto deste curso  " Lendo coa arte que nos rodea", fixeron unha visita á Villa romana de Toralla.

Foron camiñando dende  colexio e chegaron a praia, onde merendaron e xogaron un pouquiño. Á hora prevista dirixíronse ao xacemento. Visitaron primeiro o Centro de Interpretación, onde o arqueólogo explicoulles moitas cousas sobre cómo vivía naquela época; despois fixeron un percorrido polo xacemento acompañados dunha arqueóloga, que lles explicou as partes da vila e cómo vivían.

Os nenos/as estiveron moi motivados porque foi un tema que traballaron durante todo o curso e sabían moitas das cousas que explicaban os especialistas.

Aquí tedes a reportaxe gráfica!

MERCADIÑO DE LIBROS

 O martes, día 9 de xuño, tivemos dúas actividades moi bonitas : O esperado, mercadiño de libros!!e unha xornada máis de lecturas de padriños, madriñas e afillados/as

No proxecto lector cada neno/a colleu o seu Pasaporte  Lector, onde tiñan anotadas as lecturas dende principio de curso, e llo entregaron aos axudantes de biblioteca de 6º curso para que lle puxeran o selo de Gaspar e, deste xeito, puideran coller un libro no mercadiño, na mesa correspondente ó seu curso.

                                       Cambiamos lecturas por libros!!

Despois fixemos unha actividade entre padriños, madriñas, afillados e afilladas, que consistíu en montar uns mini-libros, axudándose entre eles. A semana pasada reunimos na biblioteca aos padriños e madriñas para explicarlles cómo tiñan que montar os libriños.

Os contos estiveron dispostos en nove mesas, unha para cada curso.Cada padriño e madriña foi collendo unha folla para se mesmo e outra para o seu afillado/a ; despois, sentados no chan axudaron aos pequenos a montar o conto. Unha vez montado, pasaron a outra mesa para grapalo e sentáronse de novo no chan a disfrutar da lectura e da compañía de padriños e afillados.

      Pasámolo todos/as moi ben!!!

Mirade as fotos!

VISITA A SALINAE

Hoxe, día 4 de xuño, os nenos/as de 2º e 3º volveron saír do colexio a facer unha visita as salinas de Vigo "Salinae", con motivo, unha vez máis do proxecto da Biblioteca " Lendo coa arte que nos rodea".

Fixeron un percorrido pola única salina de evaporación solar conservada e musealizada  de todo o imperio romano.

Este xacemento arqueolóxico de Vigo, polo seu excelente estado de conservación, permitíu entender o funcionamento dunha instalación salinera e cómo os romanos producían sal na superficie das cubetas. 

A visita foi moi interesante. Os nenos/as chegaron  moi motivados, pois tratábase dun tema que xa coñecían e sobre o que estiveron traballando durante todo o curso  e o arqueólogo conectou moito con eles e explicoulles cousas moi interesantes do mundo romano.

Despois foron ver o Miliario que hai na rúa García Barbón, que se colocaba no borde das calzadas romanas para sinalar as distancias. Un neno/a de cada grupo explicou aos demais cousas sobre os miliarios.
Foi unha visita moi completa e educativa!

Mirade as fotos!!

PERCORRIDO MEDIEVAL DOS NENOS E NENAS DE 2º E 3º CURSOS

O mércores, día 3 de xuño, os nenos/as de 2º e 3º cursos fixeron un percorrido medieval e romano, con motivo do proxecto "Lendo coa arte que nos rodea", que como xa sabedes, se está a desenvolver este curso no colexio.

A primeira parada fixérona na  Ponte romana e medieval de Sárdoma, onde os nenos/as de 3º explicaron aos de 2º a parte arquitectónica, mentras os  de 2º facían un debuxo desta ponte.

 Continuaron o camiño observando a natureza e a paisaxe do entorno: as aves, plantas...etc

  Camiñando, camiñando.... chegaron a Castrelos, onde fixeron unha parada no parque para merendar; despois foron a ver a Ponte romana e medieval de Castrelos e observaron  as diferenzas entre as dúas pontes.

Foi unha saída moi educativa onde os nenos/as  de distinos cursos compartiron vivenzas e información sobre cada etapa histórica que lles tocou preparar durante todo o curso.

Aquí tedes a reportaxe fotográfica!!

II QUEDADA LITERARIA

Hoxe, 28 de maio os nenos e nenas de  5 anos e os de 6º curso, en representación do  noso colexio, tivemos a sorte de participar na II QUEDADA LITERARIA, xunto con outros coles de Vigo: Carrasqueira, O Chouzo, Frián-Teis, O Pombal,  IES do Castro,  para celebrar o DÍA DAS LETRAS GALEGAS,  que esta dedicado a   XOSÉ FILGUEIRA VALVERDE.  

 

Todo foi transcurrindo segundo o programa establecido, que podedes ver abaixo, aínda que houbo algúns cambios con respecto á presentación do acto.

  Deste xeito os nosos nenos e nenas de 5 anos escoitaron tres contos representados magnificamente polos nenos/as de 1º da ESO do IES do Castro: "A galiña vermella" , " A que sabe a lúa" e " A cebra Camila" . Despois obsequiáronnos cun conto dos lidos e coas máscaras que empregaron para a representación.

Mentres tanto os nenos e nenas de 6º curso compartiron lecturas e confidencias cos alumnos/as do colexio Frián Teis. 

A xuntanza final de todos os colexios para o Acto de Clausura empezou cantando todos/as a canción " Imaxínate" do grupo Migallas. 
A continuación presentou o acto o grupo de teatro Baobad e cada centro aportou ao acto cores, contos, poesías e cancións que encheron o marabilloso entorno natural.

Nós participamos con dúas poesías. Unha de Rosalía de Castro " Adios ríos, adios fontes" que recitaron os nenos/as de 5 anos e outra titulada " O rapto de Europa", escrita e recitaba polos nenos/as de 6º curso. 

Contamos coa presencia do Sr. Alcalde, e outros representantes do Concello, como Marta, do Departamento de Normalización Lingüística, que quedaron encantados coa experiencia.

Non podemos esquecer agradecerlle a Antonio Fernández, que se encargou da organización e que cada ano organiza xuntanzas de responsables de Bibliotecas Escolares de Vigo e bisbarra, onde xurdíu esta iniciativa, que pouco a pouco se foi fraguando para converterse nesta fermosa realidade.

Grazas, tamén a todos os coles pola súa implicación e colaboración, así como a Marta, coa súa colaboración dende o Departamento de Normalización Lingüística do Concello.

Contamos tamén coa presenza de Protección Civil e distintos medios de comunicación.

No remate final da quedada cantamos outra vez todos/as xuntos/as a canción " Imaxínate", que escoitaredes xunto coa reportaxe gráfica , que podedes ver clicando no enlace de abaixo.
 Foi unha experiencia marabillosa na que tivemos ocasión de compartir lecturas, marcapáxinas e contacontos en galego, celebrando deste xeito tan festivo o Día das Letras Galegas.

TEATRO PREHISTÓRICO PARA OS NENOS E NENAS DE INFANTIL

Tres nenos/as de 6º e un neno de 5º representaron, na BiblioRía, para os nenos e nenas de infantil unha obra de teatro en tres sesións, unha para cada grupo, baseada no conto " La cueva de Altamira".

 A nosa mascota Gaspar presentou a obra.

A representación tiña dúas partes: na primeira fixeron unha representación  do conto e na segunda parte explicaron, sobre un power point, onde está a cova de Altamira, como vivían naquela época e as pinturas que facían. 

Por último, un neno recitou unha poesía sobre o conto creada por él.

Os nenos e nenas de infantil pasárono moi ben!! e os nenos/a maiores fixérono estupendamente.

 Non vos perdades as fotos!

OS ALUMNOS DE 3º E 4º CURSOS VISITAN A ARTE QUE NOS RODEA

 Hoxe, martes día 19, os nenos e nenas de 3º e 4º cursos fixeron unha visita guiada pola cidade de Vigo, para traballar a a Idade Medieval e  Moderna que é o tema que lles tocou dentro do Proxecto deste curso 

" Lendo coa Arte que nos rodea".

Dividíronse en dous grupos, cada grupo cunha guía especializada que lles foi explicando cada escultura e fachada que ían atopando ademais de falarlles  da historia daquela época.

Comezaron na Praza do Rei, alí miraron a fortaleza de San Sebastián, visitaron o casco vello, o olivo, a rúa poboadores, o berbés, a rúa dos cesteiros, triunfo, a cárcere vella para rematar na Praza da Pedra.
Os nenos e nenas tomaron moitas anotacións e aprenderon moito  sobre cómo vivían naquela época na nosa cidade.
Mirade as fotos! 

VISITA AO CASTRO DE VIGO DOS NENOS/AS DE 3 E 4 ANOS

O día  6 de maio os nenos/as de 3 e 4 anos  visitaron

 "O CASTRO DE VIGO".

Como xa sabedes, no proxecto que estamos a desenvolver este curso no colexio titulado " A ARTE QUE NOS RODEA", os nenos/as de Infantil e 1º curso de Primaria  estiveron a traballar a Prehistoria e a cultura castrexa. 
Con esta visita os nenos/as puideron ver cómo vivían nesa época e aprender cousas novas, axudados pola  arqueóloga encargada dos castros.
Pasárono moi ben!!
  Disfrutade das fotos!!

VISITA DA ESCRITORA PAULA CARBALLEIRA

Hoxe, 24 de abril visitounos, de novo na BiblioRía, a escritora Paula Carballeira, por cortesía da editorial Edelvives.

Falou aos nenos/as de 3º e 4º cursos do libro que  están a ler titulado

 " Casas" e contoulles unha historia de medo.

Rematou a sesión asinando os libros e no Libro de Bitácora  e recibindo  o agasallo da biblioteca, que este ano é un chaveiro artesanal.

Aquí tedes as fotos!

DÍA DO LIBRO

 Hoxe, 23 de abril, celebramos O DÍA DO LIBRO.

En primeiro lugar, no ximnasio, algúns dos nenos/as de 6º curso, encargados/as da BiblioRía, presentaron o acto para celebrar este día tan especial.

A actividade dividiuse en dúas partes: 

Unha para falar da importancia da lectura e disfrutar cun vídeo  que nos transportou a un lugar máxico e cunha poesía que nos lembrou  cousas que podemos atopar na lectura.

Noutra parte falouse do libro " El Quijote". Recitaron algúns parágrafos e  lembraron algunhas das citas máis célebres desta obra; sobre todo  unha das que máis teñen que ver coa lectura:

  " El que lee mucho y anda mucho, ve mucho y sabe mucho". 

Por último, puxemos un vídeo dun dos fragmentos da obra máis coñecido: 

"A batalla cos molinos".

A continuación, cada curso foi saíndo ao patio e colocándose no lugar correspondente para facer as lecturas dos padriños e madriñas aos afillados e afilladas e compartir uns marabillosos marcapáxinas, feitos por eles.

 Dende o equipo de Biblioteca agasallamos aos nenos/as  cunha gominola de Gaspar e outra gominola de flor.

  A xornada foi un éxito! Os nenos/as disfrutaron moito das lecturas.

Aquí tedes a reportaxe gráfica!!

CONTACONTOS DA COMPAÑÍA "PINGA TEATRO"

Hoxe, 21 de abril, tivemos a sorte de contar cun contacontos moi especial, por cortesía da editorial Hércules.

María e Miguel, da compañía " Pinga teatro" fixeron unha animación do conto que estiveron a ler os nenos/as de 1º e 2º cursos titulado:

 " A nai da nai da miña mamá".

Fixeron unhas actividades moi entretidas e participativas; de xeito que cando rematou a sesión os nenos/as non querían que se foran e eles moi amablemente alongaron a sesión con dúas cancións máis.

 Disfrutaron moitísimo!!!

Por último, asinaron no noso libro e os nenos/as agasalláronlles co chaveiro da biblioría, que lles gustou moito.

Esperamos que volvan pronto!!  

Aquí tedes, coma sempre, a reportaxe gráfica!

VISITA DO CONTACONTOS MANUEL SOLLA

O luns, día 20 de abril, tivemos, de novo no colexio, o contacontos Manuel Solla, por cortesía da editorial S.M.

Todos os nenos/as do colexio asistiron en diferentes quendas as sesións que se programaron dende o equipo de Biblioteca.

Fixeron varias actividades sobre os libros que están a ler: interpretaron e identificaron esceas dos libros por grupos, convertíronse nos  seus personaxes favoritos....etc.
Por último, asinou no noso libro e os nenos/as agasalláronlle co chaveiro da BiblioRía 

 Aquí tedes as fotos!

VISITA DO ESCRITOR PEPE MAESTRO

 O venres, día 17 de abril, visitou a BiblioRía o escritor PEPE MAESTRO, por cortesía da editorial Edelvives, para falar aos nenos/as de 1º e 2º cursos do libro que están a ler, titulado "CHISMORREO".

Jose Luis Maestro sarrión naceu en Cádiz e despois de licenciarse en Filoloxía Hispánica, fixo varios cursos de especialización en Literatura infantil e Xuvenil.

Como escritor publicou obras como " El circo de Baltasar", " Una pluma de cuervo blanco"....

A súa pasión polo teatro levoulle a fundar a compañía de títeres Cataplof, representando obras en numerosas plazas e teatros. 

Como docente impartíu numerosos cursos, obradoiros e conferencias relacionadas co fomento da lectura e o valor dos contos.

Contoulles moitas historias e os nenos/as estiveron moi atentos e entretidos.
 Foi unha sesión moi divertida!!!

Asinou todos os libros e tamén asinou no Libro de Bitácora da biblioteca.

Por último, agasallamoslle co noso chavero da BiblioRía.

VISITA DOS PADRIÑOS E MADRIÑAS AOS AFILLADOS E AFILLADAS

 O venres, día 10, os padriños e as madriñas foron visitar aos seus  afillados e  afilladas.

Os nenos/as de 3 anos coñeceron aos seus padriños e madriñas.

Foi unha xornada moi especial!!

Agora os padriños e madriñas terán toda esta semana para elexir o libro que van ler o día 23  aos seus afillados e afilladas.
Non vos perdades as fotos!

DÍA DA POESÍA

Como o día da poesía foi o 21 de marzo, sábado, no colexio celebrámolo o luns  día 23.

Distribuímos a todos os nenos/as en dous grupos: Por unha banda actuaron os nenos/as de Infantil, 1º e 2º cursos e, por outra banda, os nenos/as de 3º, 4º, 5º e 6º.

A maioría das poesías estiveron relacionadas co proxecto que estamos a traballar durante todo o curso: " lendo coa arte que nos rodea".

Comezamos presentando o festival cunha lectura de cinco motivos polos cales podemos ler poesía.

A continuación empezamos co recital.

Os nenos/as de Infantil de 3 anos recitaron a poesía titulada " Hace miles de años". Os nenos/as de 4 anos :" Soy en hombre Cromañón" e os maiores de Infantil : "Aquí nos quedamos".

Despois pasaron a recitar os nenos/as do 1º curso as poesías: " Os castros Saians" e " Castros do meu corazón".

Por último, os alumnos de 2º recitaron tres poemas: " La invasión romana", "Os romanos" e " Romanos na Ría de Vigo".

A segunda parte do recital protagonizárona no primeiro lugar os nenos/as de 3º curso coa poesía: "Romance das tres princesas".

 En segundo lugar recitaron os nenos/as de 4º curso a poesía titulada

 " O hórreo". Despois os alumnos/as de 5º curso recitaron  " Poesías de Vigo". 

Por último, os maiores do colexio recitaron  unha serie de poesías de tres das esculturas de Vigo feitas por eles en plastilina, que nos mostraron a todos/as.

Para rematar agasallamos aos nenos/as e mestres/as co marcapáxinas da foto , feito polo equipo de Biblioteca, no que por un lado aparece a escultura que temos en Vigo dedicada aos poetas e trovadores que escribiron en galego "A fada e o dragón", situada no paseo de Alfonso XII, e por outro lado,  unha poesía de Martín Codax que fala de Vigo, titulada " Ondas do mar de Vigo".

Como, por falta de tempo, non puideron recitar todas as poesías que tiñan preparadas, propuxémoslles aos nenos/as facer dende a biblioteca unha recopilación de todas a poesías, encuadernalas e poñelas no andel 

" Feito por nós", para que todos/as podamos ler en calquera momento estas preciosas poesías.

O recital rematou  aplaudindo e dando as grazas dende a Biblioteca aos nenos/as e mestres/as pola participación neste precioso acto.
Como sempre, aquí tedes a reportaxe gráfica

VISITA Ó CASTRO DE VIGO DOS NENOS/AS DE 5º ANOS E 1º CURSO

O día  18 de marzo os nenos/as de 5 anos e de 1º de Primaria visitaron

 "O CASTRO DE VIGO".

Como xa sabedes, no proxecto que estamos a desenvolver neste curso, os nenos/as de infantil e 1º curso de Primaria  están a traballar a prehistoria e a cultura castrexa; deste xeito con esta visita, axudados pola  arqueóloga encargada dos castros, puideron ver cómo vivían nesa época e aprender cousas novas.

Os nenos/as portáronse moi ben e fixeron moitas preguntas, polo que aprenderon moito!

 Aquí tedes as fotos!

SEMANA DA PRENSA E DA MULLER TRABALLADORA

 














Esta semana celebramos no colexio 
" A SEMANA DA PRENSA E DA MULLER TRABALLADORA".

Para celebrar a Semana da prensa, cada neno/a trouxo unha nova sobre o tema que estamos a traballar neste curso. Houbo novas de escultura, arquitectura, restos arqueolóxicos.... e de todas as etapas históricas. Despois de traballalas na aula, foron baixando ao porche e pegando algunhas no mural da prensa.

Quedou precioso e os alumnos/as aprenderon moitas cousas, que era do que se trataba.

Con motivo do DÍA DA MULLER TRABALLADORA, os nenos/as maiores investigaron sobre as mulleres na escultura e arquitectura e atoparon moitas cousas interesantes. Descubriron tamén que en Vigo temos unha esculura dedicada a muller traballadora. 
Dende a Biblioteca temos que agradecer a colaboración dos pais nesta e en todas as tarefas que propoñemos dende a BiblioRía.
Aquí tedes as fotos das dúas actividades

VISITA DE FINA CASALDERREY

O día 2 de marzo visitounos a gran escritora Fina Casalderrey, por cortesía da editorial Xerais.

Os nenos e neas de 5º e 6º cursos están a ler dous dos seus libros:  " O misterio do faro vello" e "A historia da bicicleta dun home lagarto".

Contounos moitas cousas interesantes e fixo participar e divertirse moito aos nenos/as coa facilidade que lle caracteriza para achegarse a eles.

Asinou todos os libros dos nenos/as e tamén asinou no libro do colexio.  Por ultimo, agasallámoslle co chavero da Biblioría.

Moitas grazas Fina!!

Aquí tedes algúns datos da súa vida persoal e profesional e abaixo a reportaxe gráfica correspondente.

Nada en Xeve (Pontevedra) o 11 de agosto de 1951, é unha escritora, profesora de educación secundaria, etnógrafa vocacional, gastrónoma, conferenciante e periodista galega.

Exerceu como mestra dende os dezanove anos, xubilouse no 2010 como profesora de ensino secundario. Foi no ensino onde comezou a crear e dirixir pezas teatrais representadas polo seu alumnado, algunhas recollidas en Edicións Xerais.

ha das súas inquedanzas é a investigación etnográfica, onde gañou concursos diversos premios co seu alumnado. Outra inquietude é a gastronomía, e así publicou, xunto con Mariano García, O libro da empanada, Festas gastronómicas de Galicia e Repostería en Galicia.

Colabora na prensa, revistas, congresos, xurados, pregóns, charlas-coloquio, mesas redondas... sobre literatura, gastronomía, entre outros temas.

En 1991 deuse a coñecer no mundo das publicacións coa novela xuvenil Mutacións xenéticas. No ano 1996 foille concedido o Premio Nacional de Literatura Infantil e Xuvenil coa novela O misterio dos fillos de Lúa. A maior parte da súa obra está traducida ás linguas peninsulares, isto é, ao catalán, éuscaro, asturiano, aragonés, castelán e portugués.

En 2013 foi elixida membro da Real Academia Galega, ocupando a vacante deixada por Xaime Illa Couto.