AMPARO, NAI DE XELA ARIAS

A semana pasada tivemos a honrra de contar coa visita de Amparo na biblioría. Amparo é a nai de Xela Arias, homenaxeada neste 2021 polo día das Letras Galegas. Compartiu espazo e tempo co alumnado de 5º e 6º de primaria, os cales mantiveron unha bonita charla con ela, que amablemente respondeu as súas dúbidas e curiosidades. 

 

Grazas!

 

ANA ALONSO, visita a BiblioRía

Hoxe, 16 de marzo, Ana Alonso visitou a nosa biblioteca para falar e traballar o libro que o alumnado de 3º e 6º leran de dita escritora. Os libros escollidos son: "Caballero Superheroe" e "Marea Negra".

 

VISITA DO ESCRITOR PEPE MAESTRO

 O venres, día 17 de abril, visitou a BiblioRía o escritor PEPE MAESTRO, por cortesía da editorial Edelvives, para falar aos nenos/as de 1º e 2º cursos do libro que están a ler, titulado "CHISMORREO".

Jose Luis Maestro sarrión naceu en Cádiz e despois de licenciarse en Filoloxía Hispánica, fixo varios cursos de especialización en Literatura infantil e Xuvenil.

Como escritor publicou obras como " El circo de Baltasar", " Una pluma de cuervo blanco"....

A súa pasión polo teatro levoulle a fundar a compañía de títeres Cataplof, representando obras en numerosas plazas e teatros. 

Como docente impartíu numerosos cursos, obradoiros e conferencias relacionadas co fomento da lectura e o valor dos contos.

Contoulles moitas historias e os nenos/as estiveron moi atentos e entretidos.
 Foi unha sesión moi divertida!!!

Asinou todos os libros e tamén asinou no Libro de Bitácora da biblioteca.

Por último, agasallamoslle co noso chavero da BiblioRía.

VISITA DO ESCULTOR JOSÉ MOLARES

Como este curso estamos a traballar “A arte que nos rodea”: Escultura e Arquitectura, que mellor que un escultor para aprender máis sobre este mundo tan interesante!

Deste xeito, hoxe día 11 de febreiro, tivemos o privilexio de contar coa visita dun escultor moi coñecido en Vigo : JOSE MOLARES, autor de obras como
 " A escultura de Julio verne" e  " O paseo dos peixes" de Bouzas

A visita estaba prevista para os nenos/as de 3º, 4º, 5º e 6º cursos, mais ó final non tiña tempo suficiente e tivemos que priorizar aos nenos/as de 5º e 6º porque estaba máis relacionada coa parte do proxecto que están a traballar.

Durante toda a visita centrouse na obra  de Julio Verne, que está no Naútico.

Explicounos todo o proceso : primeiro fixo uns bocetos, despois creou unha estrutura metálica, máis tarde tapouna con barro; despois aplicoulle xeso para facer o molde. Unha vez que tiña o molde levouna á fundición e co proceso da "cera perdida"  fundiuse por partes que despois soldáronse.

Por ultimo, pulíronlla cun chorro de auga con area e déronlle unha pátina para que collera ese aspecto verdoso.

Contounos moitas cousas máis, entre elas que é moi importante para él que as súas esculturas se poidan tocar  e que o máis difícil de esculpir son as mans.

Os nenos e nenas fixéronlle moitas preguntas e estiveron moi atentos.

 Por último, repartíu a cada neno/a, como agasallo, unha foto da escultura o día da súa inauguración.

Tamén, firmoulle aos nenos/as fotos que fixeron xunto a escultura na saída artística que fixeron por Vigo a semana pasada.

Para rematar, asinou no caderno de Bitácora da Biblioría e agasallámoslle cun chavero artesanal, feito polo equipo de Biblioteca.

 MOITAS GRAZAS JOSÉ!!

 e moitas grazas tamén a nosa compañeira Ana Maquieira, que fixo posible esta visita.

                                    Esperamos que volvas pronto!

Aquí tedes a reportaxe gráfica:

Mostra "12 Meninas" na Praza E de Vigo

O 13 de decembro, abríu as súas portas a sala de arte Apo’strophe na pranta baixa do Centro Comercial Plaza Elíptica.

 Para iniciar a súa andadura elixiron nada máis e nada menos que unha homenaxe ao maestro Velázquez en “12 MENINAS“. 12 artistas interpretan a súa obra en pintura, escultura, grabado e fotografía.

As obras de Víctor Alonso, Colin Baldwin, Sara Bello, Moncho Borrajo, Rosa García, Ángeles Jorreto, Manuel M. Barreiro, Rut Martínez, Gonzalo Quicler, Fabiola Mecías, Lina Ramilo e Ucha, nos guiarán neste percorrido sensorial.

A exposición permanecerá na sala ata o día 24 de xaneiro e o seu horario de apertura é de luns a venres de 18 a 20h, sábados ata as 22h.

Aproveitando que o alumnado de 1º ciclo de educación primaria está a traballar coa figura de Velázquez e con este cadro, en concreto, RECOMENDAMOS ENORMEMENTE VISITAR A MOSTRA NESTE CENTRO COMERCIAL.

Xa nos contaredes!!!

Visita de Francisco Castro

Hoxe visitou a BiblioRía o escritor e editor FRANCISCO CASTRO que naceu o 8 de outubro de 1966 en Vigo.

Presentóuse con moita simpatía e foi quen de atraer a atención dos nenos/as.

Contounos moitas cousas da súa vida e profesión, como que empezou a escribir aos 22 anos e que o que máis lle gusta é ler, por iso encántalle a súa faceta como editor, que lle brinda a posibilidade de ler o que escriben os demais.

Contounos que o libro que leron os nenos/as de 5º e 6º cursos, titulado "CHAMÁDEME SIMBAD" foi o que máis éxito tivo. Escribíuno coa intención de sensibilizar ó mundo coa enfermidade de Alzheimer que padece a súa nai, e de explicar esta enfermidade á xente xoven.

Despois de facenos pasar a todos/as un ratiño tan agradable, asinou no noso "Libro de Bitácora".

Por último, entregámoslle como agasallo un marcapáxinas artesanal.

Gracias Francisco! Encantóunos a túa visita.

 Esperamos que volvas pronto á BiblioRía.

Blogue de Francisco Castro:

http://franciscocastro.blogaliza.org/2010/04/14/contos-para-parvos-e-para-parvas/

Recibimos a BENXAMÍN MÍGUEZ NOVOA

29 de abril de 2011

SESIÓN DE CONTACONTOS

CON

BENXAMÍN MÍGUEZ NOVÓA

E xa como remate final deste mes do libro, hoxe recibimos a visita do contacontos BENXAMÍN MÍGUEZ, que nos deleitou a pequenos e maiores con diferentes historias para cada nivel repartidas en catro sesións.

Na primeira sesión ,os nenos e nenas de 5 anos e 1º ciclo  disfrutaron un montón con  contos personalizados sobre  monstruos e ratos á vez que facía as ilustracións  e todos quedaron cunha boísima sensación.

 Tamén o alumnado do 2º ciclo, desfrutou da visita de Benxamín Míguez, que, xogando cos personaxes do conto de Paula Carballeira "Correo urxente", fíxolles pasar un rato agradable, demostrando, unha vez máis, o divertido que é ler e compartir lecturas cos compañeiros.

  Co alumnado do 3º ciclo  realizou actividades interactivas referentes ao libro que tiñan lido  de Maite Carranza, “Queres se-lo mozo da miña irmá?” co que pasaron un rato moi divertido mentras recordaban as diferentes escenas do conto.

E por último os nenos e nenas de 3 e 4 anos tamén o pasaron moi ben con Benxamín, que lles  contou unhas historias tan personalizadas que lles fixeron aflorar os sentimentos pasando da sorpresa a alegría ou do medo á risa sen parar.

Gracias Benxamín, por esta mañán tan ben aproveitada por todo o cole na BiblioRía. 

Aquí vos deixamos cunha presentación das imaxes.

Recibimos a Alicia Borrás

Hoxe visitounos ALICIA BORRÁS, a autora de “Nata y Chocolate”, o libro que leron os alumnos e alumnas de 3º e 4º de Primaria na “Hora de Ler”.

Os nenos lle tiñan preparada a sorpresa de recitar poesías escritas por ela, publicadas nos libros de traballo da aula; tamén o alumnado de 4º presentoulle os distintos capítulos do libro en formato de Banda deseñada.

Fixéronlle moitas preguntas sobre a súa obra e sobre o seu traballo como actriz de dobraxe en distintas series de televisión, coma os debuxos de NODDY, etc.

Alicia mostrouse moi emocionada pola acollida tan agarimosa dos nenos, e eles quedaron encantados cos seus libros firmados pola autora.
Aquí vos deixamos cunha presentación de imaxes.

Recibimos a Abraham Carreiro

Onte, luns 11 de abril, recibimos no cole ao ilustrador Abraham Carreiro e pasamos unha xornada moi didáctica e divertida.

Nas dúas portas de entrada á BiblioRía, se anunciaba a súa visita así como quedaban reflectidos diversos datos relevantes da súa biografía e que tod@s poidamos ler.

Aquí vos deixamos cunha presentación de imáxenes...