VISITA DE TERESA GONZÁLEZ

O alumnado de 4º tivo a gran sorte de recibir a visita da escritora TERESA GONZÁLEZ, autora do libro "Fred QUINCALLA"

Despois de contarnos como escribiu o libro, que cousas atopou na Praia do Grove e cales foron os motivos para escribilo, firmounos os libros e deunos unha grande aperta.

NOTICIAS NA PRENSA

A viguesa AN ALFAYA gaña o premio Xosé Neira Vilas ca súa obra "O home de negro"

http://www.farodevigo.es/cultura/2017/10/29/viguesa-an-alfaya-gana-premio/1776230.html 

 

Noraboa! 

 

 

Ramón Caride visitounos

Ramón Caride, autor do libro "As andanzas de Xan Farrapeiro", visitou ao alumnado de 3º de E.Primaria.
Falaron do personaxe principal, XAN, da súa dona e de todos os personaxes. tamén falaron do que lle sucedeu a Xan cando entrou na cova dos penedos. 
Para rematar, Ramón Caride firmou todos os libros dos alumnos e deixou unha dedicatoria no libro de honra da BiblioRía. Tamén foi obsequiado cun agasallo , un marcapáxinas da nosa mascota Gaspar.

Visita de Ramón Caride

Visita de Héctor Cajaraville

Visita de Marcos Calveiro

Visitounos MARCOS CALVEIRO, autor de "Unha casiña branca" libro lido polos alumnos de 5º de E.Primaria. Comentoulles que para escribir o libro tivo en conta o ambiente que tiñan moitos nenos e nenas que vivían nun vertedoiro, explicoulles cómo era a súa vida aquí e o que atopaban.

Despois  Marcos acudíu á aula de 4º curso, a petición da súa titora, porque  escribíu todas as historias que inician as unidades do libro de texto de Lingua Galega. Os alumnos/as fixéronlle moitas preguntas  sobre os personaxes cos que están a convivir durante todo o curso.

Por último, asinou os libros dos nenos/as e o noso Libro de Bitácora e lle entregamos como agasallo un marcapáxinas da nosa biblio. 

Como podedes ver, foi unha visita moi completa!

Visita da escritora MÓNICA RODRÍGUEZ

Visita para o alumnado de 3º de E.Primaria

 

Mónica explicounos os motivos da elección deste tema: as sucesivas noticias na prensa sobre o drama da inmigración e tamén as visitas que facía nos veráns ,en réxime de acollida ,unha nena saharahui , Amaina, na súa casa. Quería destacar a relación de Alma, a nena recollida do mar, co fillo dun pescador, que rescataraa de morir afogada.

Alma representa a todas esas persoas que abandonan os seus fogares na procura dun mundo mellor e que, as veces, non o consiguen.

Mónica firmou no libro de bitácora e os libros dos alumnose recibiu de recordo un margapáxinas de Gaspar.

-
Alma y la isla - Kizoa Editar Videos - Movie Maker

CONTACONTOS PARA 1º, 2º E 5º CURSOS

O xoves, día 30, os nenos e nenas de 1º eº 2º a primeira hora e os nenos/as de 5º curso máis tarde, recibiron a visita da contacontos María, pola cortesía da editorial S.M.

       Foron unhas sesións divertidísimas e os nenos/as o pasaron moi ben. Mirade as fotos!

VISITA DO ESCRITOR DAVID FERNÁNDES SIFRES

O luns, 27 de marzo, vistounos o escritor DAVID FERNÁNDEZ SIFRES,  para falar do libro que leron os nenos e nenas de 4º curso, titulado "QUE VIENEN LOS FANTASMAS", pola cortesía da editorial Edelvives.

 O escritor fixo varias actividades moi entretidas que nos fixeron rir a todos/as. 

Os nenos/as fixéronlle moitas preguntas.

Despois asinou os libros dos nenos/as , tamén asinou o no noso libro de bitácora e, por último, lle dimos o agasallo deste curso: un fermoso marcapáxinas con forma de golfiño, a nosa mascota. 

Foi unha sesión moi divertida. Mirade as fotos!!

VISITA DE DAVID HERNÁNDEZ CHAMBERS

O xoves, día 16 de marzo, o escritor David Hernández Chambers visitou a nosa Biblioteca, por cortesía da Editorial Edelvives.

Os nenos e nenas de 6º curso leron un dos seus libros titulado " El secreto de Énola".

O escritor púxolles aos nenos e nenas uns enigmas no encerado dixital, relacionados co argumento do libro.

Estiveron moi atentos e fixéronlle moitas preguntas. Despois David asinou os libros e tamén escribíu no " Libro de Bitácora" da Biblioteca. Por último, despedímonos agasallándolle cun marcapáxinas de Gaspar feito polo Equipo de BiblioRía.

Moitas grazas David! esperamos o teu novo libro, que xa nos anticipaches o argumento. 

Aquí tedes as fotos!!

Verne y la vida secreta de las mujeres planta de Ledicia Costas

Como  o alumnado de 5º está a ler o libro de LEDICIA COSTAS, "Escarlatina, a cociñeira defunta", estaría ben que lle botades un ollo a esta crítica que fixo o blog chamado "un abrazo lector" sobre o novo libro de Ledicia Costas. É moi interesante. Fixádevos

http://unabrazolector.blogspot.com.es/2016/10/verne-y-la-vida-secreta-de-las-mujeres.html

PRESENTACIÓN DO NOVO LIBRO DE LEDICIA COSTAS

O curso pasado, os nenos e nenas de 5º de E. Primaria, leron o libro de Ledicia Costas, "Escarlatina, a cociñeira defunta". Quedaron encantados!Este curso tamén o empezan a ler os nenos/as de 5º. Seguro que o disfrutarán!






Pois agora esta autora presenta a sua nova  novela "Jules Verne e a vida secreta das mulleres planta",que ademais foi Premio Lazarillo 2015. Sabedes cando? Pois o venres 16 de setembro a carón da estatua de Julio Verne que está na Avda. de Beiramar. Non faltedes.



http://www.atlantico.net/articulo/cultura/ledicia-costa-novela-viaje-julio-verne-vigo/20160914091737549332.html

VISITA DO ESCRITOR XAVIER ESTÉVEZ PARA 5º E 6º CURSOS

Hoxe, día 17, o escritor Xavier estévez visitou a biblioRía para falarnos do seu libro cheo de emocións titulado: " O corazón da maxia" que estiveron a ler os nenos/as de 6º curso. Os de 6º curso foron contar onte aos de 5º o argumento do libro para poder asistir á visita.
Xavier explicounos como comezou a escribir e contounos moitas cousas do libro. Quedou abraiado do que traballaron os nenos/as sobre o libro: fixeron un libro grande con debuxos, un traballo de gramática relacionado co libro..etc.

Asinou os tres libros que tiñamos xa na biblioteca deste autor e escribíu unha dedicatoria moi bonita no noso "Libro de Bitácora". Por ultimo, a modo de agradecemento, lle entregamos un agasallo de gominolas de Gaspar e  corazóns, por ser este un ano cheo de emocións. 
Mirade as fotos! 

VISITA DE SILVESTRE GÓMEZ

Hoxe, xoves día 19, as 10:20, visitounos o escritor SILVESTRE GÓMEZ, por cortesía da editorial Anaya-Xerais.

Fixo a animación do libro " Ti non xogas", que leron os nenos e nenas de 3º curso.

Contounos cousas que queríamos saber sobre a súa vida e sobre o libro.

 Os nenos e nenas explicáronlle os traballos que fixeron sobre o tema.

Asinou todos os libros e asinou tamén no "libro de Bitácora" da biblioRía.

 Por último démoslle un pequeno agasallo da biblioteca.

Mirade as fotos!
 

VISITA DO AUTOR E ILUSTRADOR JACOBO FERNÁNDEZ

O xoves, día 12 de maio, visitou a BiblioRía o autor e ilustrador

 JACOBO FERNÁNDEZ.

Trouxo os carteis dos tres libros que ten publicados de "Marcopola" e adelantounos o cartel do seguinte libro da colección.

Explicou aos nenos/as moitas cousas sobre a súa vida e sobre os seus debuxos e, coma sempre, deixounos dous debuxos preciosos.

Non só asinou todos os libros, senón que debuxou en cada libro o personaxe que elexiu cada neno/a.

Asinou tamén no "Caderno de bitácora" da biblioRía.

Por último, os nenos/as lle agasallaron cos seus debuxos e, dende  a biblioteca, lle dimos tamén un agasallo de gominolas de Gaspar e de corazón, por ser éste un curso cheo de emocións.

Mirade as fotos!

VISITA DO ESCRITOR ANTÓN CORTIZAS

O día 9 de maio visitounos o escritor ANTÓN CORTIZAS, por cortesía da editorial Anaya-Xerais, para a animación do libro que leron os nenos e nenas de  

4º curso titulado " Xogando con gatos".

Faloulles de moitas cousas pero, sobre todo, deixou que os nenos/as preguntaran todo o que se lle ocurrise. 

Aquí tedes as fotos!

VISITA DE FINA CASALDERREY

O día 2 de marzo visitounos a gran escritora Fina Casalderrey, por cortesía da editorial Xerais.

Os nenos e neas de 5º e 6º cursos están a ler dous dos seus libros:  " O misterio do faro vello" e "A historia da bicicleta dun home lagarto".

Contounos moitas cousas interesantes e fixo participar e divertirse moito aos nenos/as coa facilidade que lle caracteriza para achegarse a eles.

Asinou todos os libros dos nenos/as e tamén asinou no libro do colexio.  Por ultimo, agasallámoslle co chavero da Biblioría.

Moitas grazas Fina!!

Aquí tedes algúns datos da súa vida persoal e profesional e abaixo a reportaxe gráfica correspondente.

Nada en Xeve (Pontevedra) o 11 de agosto de 1951, é unha escritora, profesora de educación secundaria, etnógrafa vocacional, gastrónoma, conferenciante e periodista galega.

Exerceu como mestra dende os dezanove anos, xubilouse no 2010 como profesora de ensino secundario. Foi no ensino onde comezou a crear e dirixir pezas teatrais representadas polo seu alumnado, algunhas recollidas en Edicións Xerais.

ha das súas inquedanzas é a investigación etnográfica, onde gañou concursos diversos premios co seu alumnado. Outra inquietude é a gastronomía, e así publicou, xunto con Mariano García, O libro da empanada, Festas gastronómicas de Galicia e Repostería en Galicia.

Colabora na prensa, revistas, congresos, xurados, pregóns, charlas-coloquio, mesas redondas... sobre literatura, gastronomía, entre outros temas.

En 1991 deuse a coñecer no mundo das publicacións coa novela xuvenil Mutacións xenéticas. No ano 1996 foille concedido o Premio Nacional de Literatura Infantil e Xuvenil coa novela O misterio dos fillos de Lúa. A maior parte da súa obra está traducida ás linguas peninsulares, isto é, ao catalán, éuscaro, asturiano, aragonés, castelán e portugués.

En 2013 foi elixida membro da Real Academia Galega, ocupando a vacante deixada por Xaime Illa Couto.